Алексей Орлов Хар Һазра районд одв
Ода эн болн талдан төрмүдин тускар тодрхаһар. Хальмг танһчин толһач Алексей Орлов Хар һазра районд көдлмшин кергәр одв. Энүнә тускар мана түрүн сюжетд келгджәнә.
Хар һазра района аһуд инвестиционн төсв эклв. Хальмг танюһчла зөвшәл батлж авсн Лукойл компань района аһуд нефть һарһж авлһна зура экләд күцәжәнә. Энд Цекертинск участкт иим көдлмш кех цуг компаньсин элчнр цуглрв. Энд байрин бәәдлд түрүн һасн цокж орулгдв.
Алексей Орловин темдглсәр, эннь ут хаалһин эклц болжана, Хальмгин туужд дәкәд нег ончта халх бичгдв. Нефть хәәж авлһна төлә арвн хойр жува арслнг йилһж өгв. Бурһудлһна компань мана танһчд ирв. Удл уга эн һазрт көдлмш эклх.
Эн обьектд бәәрн района көдләчнр көдлх. Әрәсән нефть һарһж авдг хамгин ик компань Хальмг танһчин түләнә болн энергетическ комплексин делгрлтд ик тәвцән орулх. Танһчин толһачин келсәр, эн халхд күцәх көдлмш дала, Лукойл компань ирсн хөөн мана танһчин экономик делгрлт авх, танһчин улсин бәәдл-жирһл ясрх.
Энүнә хөөн региона толһач районд көдлмшч кергәр йовв. Хамгин түрүнд бюджетн мөнг йовулгдсн обьектмуд бүрткж хәләхәр шиидв. Артезиан поселкд олн халхта спортивн плошадк хәләв. Энүг бәәрн баһчуд ик кезәнәс авн күләжәсмн. Энүнә тускар баһчуд Алексей Орлов урднь ирсн цагт келсн билә. Дал цаг болсн уга. Шин плошадк белн болв. Танһчин толһач мяч цокад нааднд орулв. Энүнә хөөн зүткәтә марһан болв. Артезиана команд иргчдән сән күцәмж бәрх саната.
Хальмгин толһачин тоолврар, иим йовлһна кемд селәнә улсиг уудг усар яһж теткжәхин төр ик чинр зүүнә. Иргч жил күртл района цутхлнг селәнд болн Артезиан поселкд усна сурвлжиг шинрүлж ясх даалһвр танһчин правительствин болн РМО-н өмн тәвгдсн бәәнә. Эн халхин һол обьеткмудт одад, удл эдн эдлврт орулгх гиж танһчин толһач темдглв. Далдгч жиләс авн Артезиан поселкд көдлжәсн насосн станц шинрүлгдж, шин оборудовань углж тәвгдв. Тер мет зун һучн кубическ метр ордг усна цамхаг тосхгдв. Тер мет энд шин усна булг экләд бурһуджана. Энүг эдлврт орулхла селәнә улс сән чинртә усар теткгдх.
Ачнр поселкд селәнә әмтн Алексей Орловд ик ханлтан өргв. Танһчин һардвр өгсн үгән күцәж чадв. Хуучн фельдшерск —акушерск пунктын ормд шин гер тосхгдв. Коллекти сольгдв. Нааран баһ наста эмч ирж көдлжәнә. Баһ наста эмчнрин дөннлһнә программ экләд күцәгдснә хөөн районд арвн специалист ирв. Ода района эрүл-менд харлһна халхд цуг эмчнр бәәнә. районд көдлмшин кергәр одлсна ашин тускар Алексей Орлов иргж келв. Энүнә темдглсәр, селән һазрт усна сурвлж тосхлһна өгсн толюачин даалвр Хар , азра районд күәцгджәнә. Сән чинртәһәр күцәгджәнә. Энд фельдшерск пункт шинрүлгдв, эннь селәнә участкин больниц болжана. Нааран эмчнриг дууж авх зура бәәнә. Селәнә иргч сән болх зөвтә. Тер мет сүл арвн жилд түрүн промышленн булг бурһудгдажна.
