Әрәсән телеканал цугәрәсән керг-үүлдвр күцәжәнә
Ода оньган өгтн! Смартфонта, планшетта болн Инстаграмм социальн залһлда олзлдг улст. “Утро России” нертә телепрограмм Эврәннь балһсна эврәннь өрү үзүл нертә ик төсв эклжәнә. Ода эн керг-үүлдвр делгрлт авчана. Энүнд орлцачнр эврәннь зургудан экләд тәвжәнә. Элст балһсна әмтн бас эн керг-үүлдврт орлцад, фотозургудан орулж өгчәнә.
Рената, Елизавета болн Ангира хамгин түрүнд эн керг-үүлдврт орлцхар шиидв. “Утро России” программин журналистнрин седвәр Хальмгин государственн университетин оютнриг икәр соньмсулв. Эврәннь энкр балсһндан шин өдриг яһж тосжахин тускар эдн цуг орн-нутгт үзүлхәр седжәнә. Күүкдин келсәр, эднә фотозургуд талдан регионмудын зургудас эврәннь өвәрц чинрәрн йилһрх зөвтә. Элст балһсна цутхлнг талвнгд Долан хонгин пагодын өөр зургудан цокулад интернетд орулхар шиидв.
Эн күүкнә келсәр, эднә зургуд хамгин сән тоод орх гиж нәәлжәнә. Зәрм әмтн мана балһсна тускар меджәхш. Тегәд иим ке-сәәхн балһсна тускар келж өгх саната гиж эн келнә.
Ода олн сурһульчнр фотоаппарат һартасн тәвлго зург цокна. Эврәннь дурта балһсан зургудт мөнкрүлх саната. Эдн өүрн эрт һарн һарч йовх цагиг, асхн нарн суужах кемиг, герин терзәсн эргндк аһу, ке-сәәхн цецгүд, цевр көк тенгрин бәәдлд Хальмгин хурл болн Кафедральн чонжин гивкжәх ораһинь цокж авна. Хотл балһсна туужлгч ормд эдн мадниг бас цокж авх арһ бәәнә. Баһчудын тоолврар, иим керг-үүлдврин йовудт өвәрц бәәдл цокж авч болх. Өдр болһн бидн энүнә өөгүр оньган өлго давад һарнавидн. Зуг зургт эннь тас талдан бәәдлтә болж һарна. Иим керг-үүлдвр үүдәгч билг делгрүлнә.
Эн күүкнә келсәр, эн керг-үүлдврт орлцжана. Таньдг улстан эврәннь сәәхн балһсна тускар келж өгх саната. Бидн зург цокулхдан дуртавидн. Тегәд эн зургудыг бийннь төлә биш, талдан марһанд йовулх санан бәәнә гиж эн келнә. Эн күүкнә келсәр, эннь мана түрүн зург биш. Эврәннь ке-сәәхн балһснас үзүлх зура бәәнә.
Эн керг-үүлдврт орлцх саната улс өрүни кемд эврәннь балһснд зурган цокулад, энүг интернетд орулж болх. Эн керг-үүлдврин орлцачнр эврәннь көдлмшән секәтә эв-арһар үзүлх зөвтә. Эс гиж тележурналистнр тадна зургудыг үзж чадшго.
Ээнән Делгр, Ирчин Алексей
