Жилин багш марһан Целинн районд болв

Жилин багш. Целинн районд танһчин марһана мцниципальн девснг эклв. Хамгин сән багш һурвн номинацар шүүж авгдх.

Светлана Есенова Деед Яшкулин санаторн школын немр сурһулин багш. Энүнд негдгч тойгта Троицкое селәнә школын һурвдгч классин сурһульчнрла секәтә кичәл давулх даалһвр өггдв. Эннь хамгин күнд даалһвр болв. Юнгад гихлә, көвүд-күүкд багшан түрүн болж үзжәнә.

Эврәннь кичәлән Хореографин орн-нутгт зуульчлһн гиж нерәдв. Кичлдән багш өвәрц эв-арһ олзлж, бичкдүдиг соньмсулхар зүткв. Бичкдүдлә өөрхн хәорлцә бәрх күцл өмнән тәвж. Марһанд орлцжах багшнриг хамдан көдлжәх улс дөннжәнә. Есенован командын тоолврар, Светлана эрк биш нүүрт һарх зөвтә.

Нег кичәлин йовудт бичкдүдиг Чичрдг би биилдг дасхж болшго. Болв багш мел иим күцл өмнән тәвсн бәәж. Һурвдгч классин сурһульчнрин тоолврар, Светлана Есенова эврәннь даалһвран сәәнәр күцәж чадв.

Эн күүкнә келсәр, Светлана Андреевна йир сән багш. Хальмг улсин Чичрдг би дасхв. Йир таасгдв. Светлана Андреевна дамшлтта багш. Чирдг би дарунь дасхв. Иим кичәлмүд олн болхла сән болх гиж эн көвүн келнә.

ВЗК: Жюрин ханьд танһчин ачта багшнр орв. Эдн кесг жилдән эрдм-сурһулин халхар көдлжәнә. Тегәд эднә ухан-тоолвр бас ик чинр зүүжәнә. Жюрин гешүд марһана орлцачнриг үүмжәхин бас тоод авв.

Жюрин гешүн, Хар Булг поселкин школын директор Татьяна Лиджиеван келсәр, би йир сәәнәр медж авч. Эндр олн соньн медрл авч чадв. Бичкдүдлә әдл жюрин гешүд бас соньн тоот медж авв. Светлана Андреевна дамшлтта бииһин багш. Иим марһанд орлцснь бас диилвр болжана.

Талдан нег марһанд орлцачнр, хореограф Елена Эрдниева Троицк гимназиг элчлв. Дөрлдәнд иим ухан-сана шүүж авснь бас учрта. Эдн төсвән одахн төгссн олимпиадт болн солйын жилд нерәдв. Энүг “В ритме спорта” гиж нерәдж. Бичкдүдлә хамдан багш спортд дурта улсин би дасж авв. Негдгч тойгта Троицк селәнә дундын школын дөрвдгч классин сурһульчнрт бииһин кичәл таасгдв.

Эн күүкнә келсәр, кичәл йир икәр таасгдв. Цогц-махмудан көндәһәд, йир сән болв. Иим кичләмдү цогц-махмудан, эрүл-мендән батрулнавидн гиж эн көвүн темдглв.

Марһана йовудт багшнр ил кичәл өгсн деерән, немр эрдм-сурһулин программ харсх кергтә билә, мастер-класс үзүлх даалһвр өггдв. Ахрар келхд, багшин көдлмшт хоршас цуг дамшлтан үзүлх кергтә бәәсмн. Дөрлдәнә ашар диилвр бәрсн багшнр танһчин марһанд орлцх зөв авх.

Батан Санжирма, Бадмаран Владислав