14 августа, 14:32
 25 °C
86,41
73,22
  • АВТОНОМИЯ 100 ЛЕТ
  • ВЕСТИ
  • МЫ ВМЕСТЕ 2020
  • АВТОНОМИЯ2
  • АВТОНОМИЯ3
  • АВТОНОМИЯ4
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Яшкулин района Улан-Эрг нертә селәнә бәәрн әмтн уудг ус угаһар бәәнә

Яшкулин района Улан-Эрг нертә селәнд уудг усна төр хамгин хурц төр болжана. Бәәрн әмтн селәнәс хол биш бәәх каналас ус ууна. Энүнәс мал-аһрусн бас ус уудг бодж һарв. Келхд, усна чинрнь САНпина кемжәнлә ирлжәхш.

Селәнә бәәрн күн Мария Эрднееван келсәр, “Волга-Волга” фильмин ду урднь дангин дуулдг билә. Зуг энүнә чинрин тускар ухалдго билә. Урдк жилмүдт талдан селән мет Улан-Эргт газ уга болв чигн ус билә. Зуг генткн болсн хүврлт селән бәәдл-жирһлиг унгарнь сольв. Усна сурвлжн эвдрлв, бичкдүдин сад болн сойлын гер хаагдв. Эзн уга гермүдин тоосхиг әмтн зөөһәд чиләв. Уудг усна ормд селәнә улс техническ ус олзлдг болв.

Мария Эрднееван келсәр, иим күнд бәәдлд тусвидн. Мал-аһрусн уудг усиг әмтн уудг болв. Oда эдн селәнәс хол биш бәәх Чограйск каналас ус уудг болв. Эн усна му чинрнь ик бичкн уга меднә. Эрүл-мендд му нилчән күргдг болв чигн тогтсн бәәдләс һардг арһ уга.

Наталья Эрднееван келсәр, усар хот-хол белдхин урд кесг дәкж буслһх кергтә болна. Сав чигн эвдрнә.

Му чинртә усиг кесг дәкж буслһхсн деерән эдн шишлн раствор олзлна. Зәрм селәнә әмтн Элстәс авч ирсн ус олзлдг болж һарв. эн усн үнтә болна. Тегәд әрүлж олзлна.

Нина Очирован келсәр, баһ тетквртә өрк-бүлмүд күнд бәәдлд туссн бәәнә. Юнгад гихлә авч ирсн усн тавн зун арслн күрнә. тегәд каналас уух болжана.

Селәнә әмтиг уудг усар теткхин төлә һардачнр олн-зүсн эв-арһ хәәнә. СМО-н толһач Бадм Джаднаевин келсәр, һазр малтад ус хәәвүдн. Зуг шин жилд сән аш үзүлсн уга. Дәкәд болхла, Гашунск каналас Улан—Эрг күртл усна сурвлж татхар седләвидн. Зуг эн төсв бәәдл-жирһлд тохрахин туст района болн танһчин хазнд мөнгн уга болж һарв. Ода Элстин усна сурвлж экләд тосхгдсн йовдл Улан-Эрг селәнә бәәрн әмтнд нәәлвр өгчәнә. Юнгад гихлә эн сурвлжн селәһәр давж бәргджәнә.

Улан-Эрг селәнә эдл-ахун Артелин ахлач Юрий Петреевин келсәр, учрсн эн саамиг эрк биш олзлх кергтә. Тегәд усн ирхлә селәнә улсин бәәдл-жирһл ясрх гисн ицл бәәнә.

Тер хоорнд төсвин түүрвәчнр Калмгазвод болн Пятигорскин институтын элчнрлә урдаснь кесн күүндврин ашт эдн хамцу үүлдх санаһан медүлв. Тер мет шишлн программд орлцх эрлһ СМО-н администрац орулж өгв.

Чуучән Валентина, Котина Валерий

 Следите за новостями в Instagram!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия