Волейболд дурта улс турнир бүрдәв

Элст балһснд Хальмг танһчин волейболд дурта улсин кубокин марһан болв. Танһчин болн хам-хоша бәәх регионмудын нәәмн команд дииләчән йилһв. Элст балһсна, Сарпинск, Көтчнрә райодын, Астраханск, Ростовск областьмудын болн Ставропольск крайин волейболистнр сән наад үзүләд, волейболд дурта улсиг байрулв.

Марһана орлцачнр сән белдвр үзүләд, сәәхн наадар олн улсиг байрлулв. Харһлт болһнд нег чигн завср һарсн уга, спортсменмүд цуг арһ-чидлән бон дамшлтан үзүлв. Дөрлдән зүткәтә болв. Тегәд чигн нег чигн команд амр кеәвр диилвр бәрж чадсн уга.

Садовое селәнә командын тренер Магомед Мамаевин келсәр, Садовое селнәд оньдин дурта наадан наадна. Хойрдгч школд үвлин кемд тавн-зурһан сардан наадна.

Волейболд дурта луисн кубокин төлә болсн турнирт нәәмн команд дииләчән йилһв. Эннь Элст балһсна һурвн коллектив, Сарпинск болн Көтчнрә райодын, гиичнр Ростовск, Астраханск областьмудын болн Ставропольск крайин командс ирж дөрлдв.

Ростовск областин Заветнинск района командын волейболист Алексей Милостинский келсәр, иим марһанд орлцх үрвр ирв. Эдн эрк биш орлцхар шиидв. Энд сән командс цуглрв. Эднх спортсменмүд бас сән белдвр кев. Иим ик чинртә дөрлдәнд орлцснд байрта бәәнә.

Иим марһа бүрдәхд болн волейболд дурта улсиг цуглулхд амр биш болв. Ода мана танһчд волейбол наадар соньмсжах улсин то баһ. Тер мет дурта наадан наадхд орм уга болна гиж марһана ах зарһч болн энүнә һол бүрдәһәч Чингис Анеев келнә.

Турнирин ах зарһч Чингис Анеевин келсәр, волейбольн марһан кесгәс нааран болад уга. Элст балһсна болн танһчин дөрлдән болхш. Тегәд эврә турнир бүрдәх крегтә болна. Волейболистнр бәәнә, ирж наадх командс чигн бәәнә.

Волейболд дурта улс хәләһәчнр дунд бас бәәнә. Эврәннь таньдг улсасн иим марһана тускар сонсчкапд Андрей Шарваев энүг экр биш хәләхәр шиидв. Дөрлдәнд эврән орлцж чаджахш. Насн дииләч ирв гиж эн келнә.

Андрей Шарваевин келсәр, "Динамо" командыг дөннхәр ирж. Энүнә көвүнь зөв-йос харлһна органмудт көдлжәнә. Бичкн цагтнь эднд волейбол нааддг дасхдг бәәж.

Зүткәтә дөрлдәнә ашт Элст балһсна “Динамо” команд диилвр бәрв, хойрдгч орм Ставропольск крайин волейболистнр эзлв, һурвдгч болн дөрвдгч ормд ирлцнһү дараһар “Синергия” нертә Москван финансин болн промышленн университетин филиалын команд болн Ростовск областин элчнр һарв. Турнирт орлцачнр иргчдән сән белдвр кеһәд, диилвр бәрх саната. Удл уга эдн дкнәс иим турнирт харһад дииләчән йилһхмн.

Елена Алексенко, Бадмаран Владислав