1 июня, 19:13
 17 °C
77,64
69,71
  • МЫ ВМЕСТЕ 2020
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Олн-әмтнә шүлгч Владимир Нуров далн тавн жилин өөнән темдглжәнә

Энүнә үүдәлт хамьмг улсин болн Әрәсән туужла өөрхн залһлдата. Хальмг танһчин олн-әмтнә шүлгч Владимир Нуров далн тавн жилин өөнән темдглжәнә. Эн өдрмүдт мана танһчд шүлгчин өөнд нерәдгдсн байрин керг-үүлдврмүд болжана.

Танһчин нертә шүлгчин өөнд нерәдгдсн литературн асхнд оютнр болн сурһульчнр ирцхәв. Эдн Владимир Нуровин шүлгүд умшж өгв. Энүнд бичкдүд шүлгчин үүдәлтин шин халхс секв. Үлгүрнь, Нуровин үүдәсн шүлгүдиг Семен Липкин болн талдан чигн Әрәсән нертә бичәчнр орчулсн бәәж.

Асхна йовудт шүлгүд орс болн хальмг келәр умшгдв. Шүлгин эрдм дасхсн улсин тускар шүлгч бүлән тодлврмударн хувалцв. Төрскн келндән, шүлгләнд дуран өгх сурһмж өгсн нертә багшнртан ханлтан өргжәнә. Тегәд чигн Нуровин үүдәврмүд гүн ухан-саната, олн-зүсн төрмүдт нерәдгдсн шүлгүд энүнә үүдәлтд онц орм эзлжәнә. Дегтрмүдәс авсн медрл жирһлин дамшлтла әдл биш.

Владимир Нуровин үүдәврмүд умшсн күн эврә төрскн гертән бәәснлә әдл болж медгднә. Энд күүнд цугнь өөрхн, энкр болна. Шүлгчин келнь хурц болсн деерән, гүн учр-утхта гиж Теегин герл журналын ах редактор Данара Дорджиева темдглв. Хальмг танһчин олн-әмтнә шүлгч Эрдни Эльдышевин келсәр, Нуровин үүдәврмүд оюни гүн ухан-саната, энүнә үүдәсн дүрмүд умшачнрин санлд удандан төөнрж үлднә.

Шүлгч Владимир Нуров ут-тоодан һучн дегтр һарһв. Тер тоод "Булгин амтн", "Хөвин мирд", "Нарна худг", "Жирһлин ун"г болн талдан чигн хуранһусиг олн умшачнр дурлж умшна. Энүнә бичсн "Бессмертие", "Реквием живой души" нерәдлһтә поэмст хальмг улсин бат-болд зүркнә тускар келгджәнә. Эн үүдәврмүдт бичкндән үзсн-даасн зовлнгин, хальмг улсиг хол Сиврт нүүлһснә һашута жилмүдин тускар бичгджәнә. Тер мет Владимир Нуров драмин үүдәврмүд бас бичсмн. Ода болхла "Цаһан буурл өвгн" нертә роман бичжәнә. Ода деерән бичәч шин үүдәврин тускар келхдән дурлжахш. Шин дегтрт хальмг улсин туужин нег һашута халхин тускар келгджәнә. Гүн оюни уха-санаг болн седклин урмд олн улсас болн төрскн һазрас булгас мет шингәж авчана.

Ээнән Ольга, Настан Сергей

 Вступайте в нашу группу Вконтакте!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия