9 июля, 20:45
 24 °C
80,41
70,88
  • АВТОНОМИЯ3
  • АВТОНОМИЯ4
  • МЫ ВМЕСТЕ 2020
  • АВТОНОМИЯ2
  • АВТОНОМИЯ 100 ЛЕТ
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM
12 декабря 2013, 19:18

МЧС-ин көдләчнр пиротехническ продукц хулдлһиг бүрткжәнә

Шин жилин байрин өмн өргнд МЧС-ин көдләчнр пиротехническ продукц хулджах хулд-гүүлгәнә предприятьмуд эргәд, бүртклһ кев. Му чинртә фейерверк, петард, холпушк олзлхла шин жилин байрла зеткртә йовдл учрх әәмшгтә. Тегәд иим кегдлмүд хулджах магазидт онц неквр тәвгджәнә.

Элстин магазидт шин жилин байр өөрдж йовхнь ил үзгднә. Витринмудт бенгальск һал болн фейерверк тәвгдж. МЧС-ин көдләчнрин орсн түрүн хулд-гүүлгәнә магазин Элст балһсна һурвдгч микрорайонд бәәнә. Түрүләд цуг кергтә документ — арһлачин паспорт, сертификат, нәәмәдлһнә бооца бүрткж хәләжәнә.

Инспектор Жанһр Дарбаковин келсәр, хулджах продукцд ирлцнһү сертификат бәәнә, Эннь түүмрәс әәмшг уга бәәлһнә зокалла ирлцжәнә. Иим продукц хулдлһан таал сән.

Келхд, эн бичкн магазин эмнүлин учрежденя өөр бәәнә. Роспотребнадзорин заллтин специалистнрин келсәр, хулд-гүүлгәнә предприятьмудын бәәх орм закаһар темдглгдхш. Зуг һаза пиротехническ кегдлмүд хулдх зөв уга. Иим продукц аһарин кемжәтәһәр хулдгдх зөвтә. Энүнә хөөн инспектормуд негдгч микрорайонд бәәх шишлнг магази бүрткж хәләв. Магазин зуг күсдундур сар хооран секгдв. Энүнд олн-зүсн фейерверкмуд, салютмуд, петардмуд олра хулдгджана. Тегәд МЧС-ин көдлхәчнр энд удан көдлв. Эдн продукциг болһамжтаһар хәләв. Энүнд дуту-дундс илткгдсн уга. Хулдачнрт эн халхар сурһуль дасхсн деерән, хулд кежәх улст бас некврмүд тәвгджәнә.

Магазина директор Диана Демченко келсәр, хулд кесн әмтн иим продукц яһж олзлхин тускар меднәвидн гиж келнә. Зуг эднә хулдачнр күн болһнд тодрха цәәлһвр өгнә. Иим продукц олзлад әмтн байр үүдәх зөвтә.

Ода эк-эцкнр эврәннь бичкдүдин төлә ракет болн салютмуд дурлж хулдж авчахш гиж олн улсин сурлһна ашт медгдв. Эднә тоолврар, шин жилин байр зеткртә йовдл угаһар давх.

Эн күүкд күүнә келсәр, телевизорар зеткртә йовдлмудын тускар үзүлнә. Иим продукц хулдж авхдан дурлхш. Эн күүкд күүнә темдглсәр, шин жилин байрт бичкн кегдлмүд хулдж авна. Бичкдүдт байрлтха гиһәд авна.

Элст балһсна бәәрн күн Ирина Музаеван келсәр, шин жилин байр фейерверк угаһар тосж болшго. Эн туст зокал эрк биш күцәх кергтә. Бичкдүд эврән иим продукц олзлх зөв уга. Арвн һурвн наста көвүндән шин пиротехническ кегдл хулдж авх саната.

Ирина Музаеван келсәр, күнд жанһрта пиротехник хулдж авхш. Эн жил көвүндән иим кегдл хулдж авх саната.

Ода арһлачнрт дегд ик дуту-дундс илткгдсн уга. МЧС-ин региональн көдләчнрин келсәр, шин жилин байр өөрдх дутм му чинртә продукц нуувчар хулддг йовдл өснә. Давсн жилин ашар шин жилин байрин өдрмүдт нег чигн зеткртә йовдл учрсн уга.

Декабрин һучн негн күртл иим бүртклһн дару-дарунь кегдх. Эн туст әмтн болһамжтаһар хулд кех зөвтә. Пиротехник хулдж авхин өмн орс келәр сертификат болн тодрха цәәлһвр некх кергтә.

Ээнән Ольга, Эрнжәнә Эрднь

 Читайте наши новости в Одноклассниках!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия