Келн-улсин театрт шин наадн удл уга үзүлгдх
Баснга Баатрин нертә келн-улсин театрт шин наад удл уга хәләж болх. Энүг Хальмг танһчин хәләһәчнр сәәнәр меддг Марий-Эл республикас ирсн режиссер Василий Пектеев белдж тәвжәнә. Эн өдрмүдт Пектеевин һардврта актермуд Гоголин бичсн “Женитьба” нертә наад белджәнә. Келхд, Василий Пектеев Хальмг танһчд һурвн наад белдж тәвсмн. Режиссерин келсәр, иим наад шүүж авснь бас учрта.
Баснга Баатрин нертә келн-улсин театрин белджәх шин наадн “Женитьба или Совершенно невероятное событие в двух действиях” нерәдлһтә. Энүнә түрүн үзүлвр мартын арвн дөрвнд болн арвн тавнд болх. Режиисер Василий Пектеевин келсәр, иим наад шүүж авснь бас учрта.
Марий-Эл республикас ирсн нертә театральн үүлдәчин келсәр, орсин алдр бичәч Николай Гоголин үүдәврт күрг хәәжәх күүкнә төр Әрәсәд тогтсн бәәдлиг медүлжәнә. Эн төр өдгә цагин бәәдл-жирһлд бас ик чинр зүүжәнә. Келхд, Василий Пектеев Хальмг танһчд һурвн наад белдж тәвсмн. Эн нааднд арһ уга баһ наста улсин тускар келгджәнә. Эдн шиидвр батлж авч чадхш, кергән чигн күцәдг урһ уга болна. Эн төрмүдән бичәчнр Гоголь болн Гончаров эврәннь үүдәврмүдтән тодрхаһар келж өглә. Күүнә нилчәр бәәж улсин тускар бичәчнр йир сәәнәр медүлжәнә.
Режиссер, Марий Эл республикин искусствин ачта үүлдәч Василий Пектеевин келсәр, күн болһна төлә му үгмүд келж болх. Эн күн му гиж келхлә, бидн бичкдүд мет энүнд иткәд, иим кү дурлхшвидн. Кемр эн күн сән гихлә бидн бас иткәд, иим кү тевчнәвидн. Гоголин бичсн наадна учр-утнь мана өдгәц агин бәәдл-жирһллә ирлцжәнә, ода күртл ик чинр зүүжәнә.
Шин наадн хойр келәр тәвгдв. Ода тетарин актермуд наадыг орс келәр белджәнә. Хальмгин нертә артистк Вера Тепкееван келсәр, шин наадн күнд болн жанһрта. Ик көдлмш кегджәнә. Шин нааднд Вера Тепкеева худ эмгн Фекла Ивановна дүр нааджана.
Хальмгин ачта артистк Вера Тепкееван келсәр, Гоголин бичсн текстар наадх кергтә гиж режиссер неквр тәвнә. Өдгә цагт телевизорар “Давай поженимся” сонсхвр һардгнь бас учрта. Тер мет худ эмгнәс дөн баһчуд сурна. Ода бийдән тааста кү олж авхд күнд болж одв. Эндр өдрт эн төр хурц төрт хүврв.
Режииссерин келсәр, шин нааднд орлцжах артистнр эврәннь дүрән ик оньган өгч наадх зөвтә. Тегәд чигн тетарин цуг актермуд нег-негндән нөкд болжана.
Хальмгин ачта артистк Татьяна Кожееван келсәр, Эннь Гоголин үүдхсн наадн. Энүнә келнь тас талдан. Өдгәц агин артистнр иим наад наадхдан дурта. Зуг энүг ухалж наадх кергтә. Баһчуд эврәннь ухан-тоолвран орулж өгнә. Зуг эннь ирлцхш. Эдн өдгә цагин кевәр ухалжана. Николай Гоголь болхла ииг бичсн бәәж. Энүнә үүдхсн нааднд юм немдг арһ уга. Бичсн кевәрнь наадх кергтә.
Театрин хойр актерск хань орсин болн нарта-делкән театрин хамгин дурта наад белджәнә. “Женитьба” наад түрүн болж зун далн жил хооран театрт тәвсмн. Николай Гоголь энүг шог-наадн гиж нерәдв. Энүг хәләсн әмтн уха тунһаж, эврәннь бәәдл-жирһллә ирлцүлнә.
Хавтхна Элла, Бадмаран Владислав
