Хазгудын дууна бичкдүдин ансамбль бүрдәгдв
“Лазуревый цветок”. Иим нертә хазгудын дууна бичкдүдин түрүн ансамбль бүрдәгдв. Элст балһсна хазгудын одмн Константин Кирпилевин седвәрәр эн коллектив минь одахн тогтагдв. Эднд Элстин болн хальмгин епархий, Хальмгин хазгудын округ цуг кергтә дөн күргжәнә. Ода деерән ансамблин орлцачнр нурһлж хазгудын дуд дуулжана. Өдгә цагт эдн сцен деер түрүн болж һархар белдвр кежәнә.
Түрүн болж сцен деер һархин өмн коллектив кесг өдртән тохнята белдвр кев. Әрүн Пасхин байрин өдр эдн Элстин болн Хальмгин епархийн чонжин хорла хамдан концерт үзүлв. Эн ик чинртә керг-үүлдврт эдн шишлнг кевәр шин ду дасж авч.
Хазгудын дууна бичкдүдин ансамбль хойр сар хооран тогтсмн. Ода деерән энүнд зурһан бичкдүд орлцжана. Хамгин бичкнь зуг тавн наста. Эдн цугтан шүүврин девснгд орад, ансамбльд орх зөв авцхав. Үүдәгч коллективин художественн һардач Мария Кирпилеван келсәр, ансамблин ханиг икдүлх санан бәәнә. Ода шин коллектив зуг хазгудын дуд дуулна. Иргчдән шин орлцачнр ирхлә, орс болн хальмг дуд дуулх зура бәәнә.
“Лазуревый цветок” нертә бичкдүдин ансамблин һардач Мария Кирпилеван келсәр, ода деерән зуг хазгудын ду дуулжана. Юнгад гихлә иим коллектви бүрдәсн цагт хазгудын сойл тарха санан билә. Иргчдән хазгудын дуунла зерг, орсин дуд, тер тоод шажна дуд дуулх зура бәәнә.
Иим ансамбль бүрдәх седвәр Мария Кирпилеван аваль Константин Кирпилев орулж өгсмн. Элст балһсна хазгудын одмн, мана танһчд хазгудын классмуд бүрдәлһнә ул тогтсамн. Энүнә һардврт тавн иим класс секгдв. Энүнд бичкн көвүд-күүкд хазгуын сойлла өөрхн таньлджана.
Элст балһсна хазгудын одмн, танһчин олн-әмтнә хуралын депутат Константин Кирпилевин келсәр, мана танһчд келн-улсин олн-зүсн коллективмуд бәәнә. Бичкдүдин келн-улсин коллективмуд баһ.Тер тоод ансамбльмуд уга. Хазгудын клаасмудын улд энүнә седвәрәр хазгудын ансамбль тогтах санан орв. Шүүврин марһан болв. Энүнд Элстин хйордгч школын болн орсин келн-улсин гимназин сурһульчнр орлцв.
Бичкн дуучнрин келсәр, ансамбльд эдн дурлж орлцжана. Эдн цугтан көгжмин хаалһар түрүн ишкдлән кежәнә. Хазгудын енгс-сәәхн дуд эднд таасгджана.
Хазгудын дууд таасгдна, тер мет орсин болн хальмг дуд дуулхдан таасна гиж эн күүкн келнә. хазгудын дуд йир сәәхн, енгсг. Эн күүкнә келсәр, ода долан наста. Хазгудын ансамбльд оржана. “Бравый атаман”, “Вишня”, “За Доном за рекой” дуд дуулна. Эн көвүнә келсәр, энүнә өрк-бүлнь хазгудын гиж тоолгдна. Эцкнь одмн, тегәд бийән хазг гиж тоолжана.
Кирпилевихн эврәннь төсвән ик дуран өгч күцәжәнә. Ода деерән ансамблин төлә халһх төрмүд дала. Эднд йилһж өгнс гер иим сурһуль кехд ирлцжәхш, нег үлү үвлин кемд энд киитн болна. Тер бийнь эдн эврәннь сән иргчдән нәәлжәнә. Бичкн дуучнр нарта-делкән олн плошадкд билг-эрдмән үзүлх гиж ансамблин һардачнр нәәлжәнә. Ода болхла хазгудын дууна бичкдүдин ансамбльд көвүд-күүкдиг цаарандан орулж авчана.
Көкән Герл, Бадмаран Владислав
