• МЫ ВМЕСТЕ 2020
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Хальмгин билгтнр фестивальд диилвр бәрв

Хаврин дольган фестивальд диилвр бәрв, ик байртаһар бичкдүд хәрж ирв. Иим нертә фестиваль марһан Москва балһснд болв. Энүнә ашар негдгч тойгта Элстин бичкдүдин көгжмин сурһульчнр хойр түрүн орм эзлв.

“Звон детских песен” нертә ансамблин уйн наста артистнрин үзүлсн наадн һал тәәлһнә хальмг улсин уул аяьс болжана. Хаврин дольган нертә нарта-делкән фестивалин чанһ неквртә жюрид мана танһчин бичкдүдин үзүлсн зангшал таасгдв. Тегәд көвүд-күүкд түрүн орм эзлж чадв. Тер мет Карина Очурован үзүлсн фольклорн номер бас икәр таасгдв. Бичкн дууч енгсн сәәхн дуута, бийән сцен деер бәрж чадна. Энүгәрн талдан дуучнрас йилһрв. Энүнә өмн күүкн ик тохянята белдвр кеж. Тегәд чигн Карина эрк биш диилвр бәрх гиж зуралжала.

Хаврин дольган фестивалин гран-прин лауреат Карина Очурован келсәр, тенд сәәнәр дуулдг күүкд дала билә. Каникулдан сән белдвр кеж. Цугтан фестивалин хөөн муурв.

Марһанд зун күн арвн номинацар дөрлдв. Эднд багшнр болн эк-эцкнр дөн күргв. Эднэ бичкдүд диилвр бәрх гиж нәәлжәсмн. Тегәд эднә байриг эдн хувалцв.

Негдгч тойгта бичкдүдин көгжмин школын директор Галина Эняеван келсәр, негдгч эс гиж хойрдгч орм авх гиж күләжәлә. Москва балһснд ик чинртә марһан болв. Һазадын ордудт болдг дөрлдәнәс чанһ неквртә болна. Һазадын ордудт мана бичкдүдиг өвәрц билг-эрдм гиж тосна. Энд болхла жюри чанһ неквртә. Тегәд диилвр бәрснд байрта бәәнәвидн.

Элстин арвн нәәмдгч школын директор Нәәмн Цебекован келсәр, хальмг улсин соньн уул авяьс үзүлж чадхан бичкдүд медүлв. Мана келн-улсин сойл ямаран байн тускар талдан субьектмудын улст медүлв. Иим күцәмж бәрснд байрлжана.

Фестиваль-марһанд көвүд-күүкд сән белдвр кеһәд, диилвр бәрж чадв. Уйн наста билгтнр эднлә көдлсн эврәннь багшнртан ик ханлт өргжәнә. Москва балһснд болсн фестивалин тускар эдн байртаһар тодлна.

Эн күүкнә келсәр, эдниг сәәнәр тосж. Эднд фестиваль таасгдв. Талдан көвүд-күүкдлә таньлдв. н көвүә келсәр, фестивальд талдан балһсдас, Москва балһснас бичкдүд ирв. Олн нәәж олж авч.

Хальмгин уул авьяс зангшал олн улст таасгдв.

Иим ик чинртә марһанд диилвр бәрснь зуг сән белдвр кеснә аш биш. Эдн эврәнн өвкнриннь уул авьяс-зангшалла талдан улсиг таньлдулх ик дурн бәәһәд, эдн танһчин нериг сәәнәр харсж чадв.

Елена Алексенко, Эрнжәнә Эрднь

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия