8 июля, 13:28
 37 °C
80,41
71,24
  • ВЕСТИ
  • АВТОНОМИЯ 100 ЛЕТ
  • МЫ ВМЕСТЕ 2020
  • АВТОНОМИЯ2
  • АВТОНОМИЯ3
  • АВТОНОМИЯ4
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Ергениский селәнд шин суврһн байрин бәәдлд секгдв

Давсн нарн өдр октябрин доланд Көтчнрә района Ергенинский селәнд Диилврин суврһн байрин бәәдлд секгдв. Шишлнг мөргүлиг Хальмг танһчин шажн лам Тэло Тулку Ринпоче һардв. Энүг Хальмгин негдгч полкин командир тәәж Жамб Тундутовин хуучн хамхрсн суврһна ормд бәрв. Нег минһн нәәмн зун арвн хойрдгч жилин дәәнд Жамб Тундутов баатр-зөрмг кевәр дәәлдсмн. Иим суврһ бәрх седвәр бәәрн школын сурһульчнр татсмн. Иргчдән нааран олн улс ирж мөргж чадхмн гиж бәәрн поселкин улс тоолжана.

Көтчнрә района Ергенинский поселкд болсн байрин өдр чилгр дулан өдр болв. Тенгрин таал йир сәәнәр ирлцв. Энд Диилврин суврһн байрин бәәдлд секгдв. Нег минһн нәәмн зун арвн хойрдгч жилин дәәнд орлцсн Хальмгин негдгч полкин командир тәәж Жамб Тундутовин хуучн суврһна ормд шин әрүн шажна тосхлт күцәгдв. Энүнә бүрдәмжин комитетин гешүд цуглрсн цагт энд зуг хуучн суврһна орм бәәж. Удан боллго дөрвн сар болда энд шин тосхлт ик холас дүнгәж үзгднә. Хальмг танһчин шажн лам Тэло Тулку Ринпоче болн Элстин хурлын гелнгүд шишлнг мөргүл күцәв. Энүнә йовудт эрндк аһу болн һазр-усн, шин суврһн цеврлгдж әрүслгдв. Иим кевәр шажна әрүн авьяс күцәгдв.

Олн улс олз-туста зура дөннхлә, цуг керг-үүлдвр күцх гисн санаг эн мөргүл Көтчнрә РМО-н толһач Валерий Очировд дәкәд нег иткүлв. Хальмг танһчин олн-әмтнә хуралд танһчин толһачин элч Виталий Дагинов Алексей Орловин йөрәл медүлж келв. Хальмгин цуг депутатнрин нерн деерәс олн-әмтнә хуралын ахлачин дарук Хонһр Эльбиков болхла цуглсрн әмтиг халунар йөрәв. Мана танһчла хам-хоша бәәх областьд улан залата хальмгудын урдк алдр туужин санл бас өөрхн. Энүнә тускар Волгоградск областин сойлын министрин дарук Александр Ситников йөрәлин үгдән темдглв. Тер мет Очра Номтын сангин һардач Нина Уланова энүнд бас нөкд болв.

Ергенинск селәнә дундын кшолын сурһульчнрин седвәр йоста олн-әмтнә керг үүлдвр болв гиж келж болх. Энүг танһчин әмтн дөннв. Крестьянск фермерск эдл-ахун һардач суврһна тосхлтд зун минһн арлдснг орулж өгв, Ергенинский поселкин бәәрн күн Анатолий Никитченко пенсәсн мөнг йилһж өгв. Иим керг цуг улст кергтә гиж эдн тоолжана. Селәнә әмтн цугтан негдәд иим әрүн тосхлт күцәхд дөн күргв.

Гуманитарн шинжлт кедг Хальмгин институт болн энүнә директор Нина Очирова эн әрүн керг бас шунмһа кеәвр орлцсмн. Иргчдән Ергеня теегт дүнгәж босхгдсн әрүн тосхлтд Хальмг танһчин буддистнр болн олн гиичнр ирж мөргхнь лавта.

Нег минһн нәәмн зун арвн хойрдгч жилин дәәнд Диилвр бәрснә хойр зун жилин өнчта өөнд тосхгдсн суврһн — мана баатр-зөрмг өвкнриг хальмг танһчин цуг улс күндлжәх санл болжана.

Харлун Бадма, Колдан Церн

 Вступайте в нашу группу Вконтакте!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия