• ВЕСТИ
  • МЫ ВМЕСТЕ 2020
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Элстин цутхлнг хурлд мандл тосхгджана

Эн өдрмүдт Хальмгин цутхлнг хурлд Бурхн Багшин Алтн сүмд Чакрасамвара Бурхна мандл тосгхгджана. Энүг Хальмгин шажн лам Тәло Тулку Ринпочен үрврәр ирсн Дрепну Гоман дацнгин гелнгүд тосхжана. Чакрасамвара Бурхн Багшин һол хүвлһнә негнь болжана. Төвдин келнәс мөнк ач-тус гиж орчулгдна. Күн болһн хурлд ирәд, мандл тосхлһна йовудыг хәләж чадх. Энүг апрелин хөрн тавнд тараж цацх.

Эн өдрмүдт Хальмгин буддистнр ик байрта бәәнә. Хальмг танһчин шажн лам Тэло Тулку Ринпочен үрврәр, Элст балһснд күндтә Багш Еше Лодой Ринпорче залрж ирв. Эн ирлһндән түрүн болж шар шажнд шүттг улсин төлә эврәннь хуранһуһас әрүн шүтә авч ирв. Эн өдрмүдт танһчин әмтн энүг хәләж мөргж чадх. Эдниг Элстин цутхлнг хурлд тәвх.

Хальмг танһчд күндтә Багш Ело Ринпочен белглсн Бурхн Багшин ном-сурһулиг мана танһчин болн Әрәсән буддистнр ирж сонсх. Ода Хальмгин цутхлнг хурлд олн гиичнриг тосхар белджәнә. Тер саамд Хальмгин шажн лам Тэло Тулку Ринпочен үрврәр ирсн Дрепугн Гоман дацнгин гелнгүд Чакрасамвара Бурхна мандл тосхжана. Иим әүрн мандл бәрхин төлә шажна цуг авьяс күцәж кех кергтә. Өдр болһн мандлын тосхлтын өмн гелнгүд маань умшад, белдвр кенә. Мандалын тосхлт хаш чолуна үүрмг элсн олзлгдна. Энүг гелнгүд тал дундас авн экләд һазадк әнг күртл кенә. Тогтсн авьясар энүг дөрвн гелнг дөрвн таласнь авн экләд тосхна.

Хальмг танһчин шажн ламин нөкд Хонһр Эльбиковин келсәр, цуг буддистнрт ик байр болжана. Танһчин әмтн болн гиичнр эн байрт орлцж чадх. Мандл йир сәәхн болх. Энүг эргәд дотран зальврад маань умшх кергтә.

Стелла Шаблиовская Киев балһснас шишлнг кеәвр ирәд, Чакрасамвара Бурхна мандл хәләх саната.

Энүнә келсәр, Хальмгт ирнсдән ик байрта бәәнә. Иим ке-сәәхн мандл үзәд уга. Дегд ик байрта бәәнә.

Эн өдрмүдт Элстин цутхлнг хурлд ирсн әмтн тосхгджах ке-сәәхн мандл үзәд, ик байрта болн сергмжтә бәәнә. Эднә чеежнь уудад, сарул цевр ухан орна.

Мандл тосхсна хөөн энүг тараһад цацх. Иим шажна авьясин һол чинрнь — цуг моһлцг һазр деер юмн нег кеәвр бәәхш, оньдин сольгдад, хүрврәд йовна. Иим ке-сәәхн мандл хәләсн улс ирчгин тускар ухалад, цаһан седлтәһәр бәәһәд, нег-негндән дөн болх зөвтә.

Аджин Светлана, Очра Сергей

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия