11 июля, 13:21
 33 °C
80,27
71,23
  • МЫ ВМЕСТЕ 2020
  • АВТОНОМИЯ3
  • АВТОНОМИЯ2
  • ВЕСТИ
  • АВТОНОМИЯ 100 ЛЕТ
  • АВТОНОМИЯ4
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Элстд «Медведь-2012» нертә балһсна секәтә спортивн фестиваль давв

Амрллһна өдрмүдт диилврин талвнгд чидлтә улсин хоорнд «Медведь-2012» нертә балһсна секәтә спортивн фестиваль давв. Эн фестивальд залу улсла әдл күүкд орлцад чидлән үзүләд марһлдсн билә.

Амрллһна өдрмүдт диилврин талвнгд чидлтә улсин хоорнд болсн фестивальд олн улс ирв. Игорь Колган зу һар килограмм чиннүрин төмр болн тонн һар күрсн машиг өргж чадна. Школд сурһуль сурч йовсн цагтан күнд юм дангин өрггд бәәсмн.

Түүнә хөөн тренажерн заалд цогц махмудан батрулла. Күнд төмр өрглһн дурта керг болв гиж Игорь Колган маднд келв.

Дәкәд Игорь Колган шимтә хотд йир дурта, гертән хотан эврән чана. Эрүл менд бәәхин төлә сән хот уух кергтә гиж игорь келв. Чидлтә улс хотан баһрулхш , махна , үзтә зүүтә, әмтәхн хотд йир дурта. Шимтә хот идхлә чидл ирнә гиж инәдж игорь келв. Тиим марһанд игорь хойр дәкч орлцжана. Жил ирвәс марһлдх йир күнд болна. Эн марһанд орлцжах чидлтә улсин чиннүрин кемжәнь дундлад авхла 100 килограммд күрнә.

Эн марһанд орлцх нанд тренер нөкд болла. Өдр болһн юидн хамдан тренажерн заалд цогц махмудан батрулсн биләвидн. Эн фестивальд орлцхар талдан регионмудас олн спортсменмуд ирв. Ут тоодан эн керг үүлдврт зу һар күн чидлән үзүлв. Спортсменмүд олн зүсн даалһвр күцәһәд дииләһән ийлһв.

Залу улсла әдл күнд төмр өргәд күүкд улс бас орлцв. 90 килограмм күрчәх төмр һанцхн Елена Поволоцкая өргж чадв. Гирь хайлһнд бас олн күүкд марһлдв.

Эн күүкд күүнә келсәр залу улсин хоорнд марһлдх йир таасгдна, аль йовв чигн ямаран үүл күцәв чигн күүкд дангин эврәннь кеермжән үзүлх зөвтә. Гирь хайлһна спортар нег жил соньсмна. Эн күүкн 16 килограммин гириг 24 дәкч өргсн билә.

Эн марһана бүрдәһәчнрин келсәр жил болһн чидлтә улсин тонь өсәд йовна. Эднәс кесгнь олн зүсн марһаст орлцад диилвр бәрсн билә. Тиим марһаст күн болһн орлцж чаджана. Эн марһан сән авьяст тохрад жил болһн давулгдх.

Санкун Кермен, Бадмаран Владислав

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия