"Булһар мяч" марһана балһсна девснг эклв

Элст балһснд “Булһар мяч” нертә футбольн балһсна марһан эклв. Дииләчнр һурвн насни багд йилһрх. Энүнд хотл балһсна эрдм-сурһулин учрежденьсин арвн хойр команд дөрлджәнә. Эдн һурвн әнгд хувагдж дииләчән йилһжәнә.

Наадна тавдгч минутд Элст балһсна олн халхта гимназин футболист Мазн Бодыков түрүн гол цокж орулв. Харһлтын түрүн өрәлнь төгсәд уга, тер бийнь олн халхта гимназин спортсменмүд 4:0 тооһар шүүж йовна. Энүнә хөөн дәкәд хойр гол эдн цокж орулв. Дәврәч Бату Шардаевин нилчәр гимназин команл арвн нәәмдгч школын спортсменмүдиг диилж чадв. Көвүдин келсәр, наадн йир зүткәтә болв. Иим марһан бичкн футболистнрт ик чинр зүүнә.

Эн көвүнә келсәр, түрүн гол цокж орулв. Байрта бәәнә. Түрүн гол генткн цокж орулж чадв, хойрдгч голыг өөрхн һазрас цокж орулв гиж эн көвүн келнә. өсхләрн дамшлтта футболист болх саната. Наадн таасгджана гиж эн келнә. Эн көвүнә келсәр, диилвр бәрх зура бәәнә. Иргчдән талдан балһснд одад, футбол наад саната. Иим марһан эднд ик чинр зүүжәнә. талдан школмудын командла наадх дурн бәәнә. Талдан көвүдлә таньлдж болх.

Элст балһсна олн халхта гимназин үүдч Данил Слизский футболын секцд хойр жилдән оржана. Ода сән күцәмж бәрв, ик дамшлт хоршав. Эн марһанд ода деерән нег чигн гол энүнд цокж орулж чдасн уга. Испаня “Реал” командын үүдч Икер Касильясас үлгүр авад, энүг дурах саната. Ода деерән “Булһар мяч” марһанд диилвр бәрх зура бәәнә. Энүнә төлә гимназин команд цуг арһ-чидлән болн эрдмән олзлж наадх гиж Данил келнә.

Данил Слизский келсәр, эдн өдр болһн гилтә футбол наадна, секцд орна. Тенд наадна дамшлт хоршана.

“Булһар мяч” марһан дөчн жилдән давулгджана. Энүнә һол күцлнь — билгтә бичкддүиг йилһж авлһн, эрүл-дорул кевәр бәәлһнә сурһмж өглһн, дорас өсж йовх баһчудыг спортар соньмсулһн гиж ах зарч Станислав Пода келнә. Команд болһнд нәәмн футболист болн үүдч нааджана. Марһаг арвн-арвн негн наста көвүд секв. Эдн түрүн авгтан багмудтан дииләчән йилһж авх. Бүрдәһәчнрин келссәр. “Булһар мяч” марһана йовудт көвүд дамшлт авсн деерән, билг-эрдмән делгрүлж, талдан командын наад шинжлж хәләжәнә.

Марһана ах зарһч Станислав Пода келсәр, иим марһана һол күцлнь — футбол наад бичкдүд дунд тархалһн. Бичкдүд футболыг зуг телевизорар хәләлго, эврән наадх зөвтә. Харм төрхд, ода Хальмгт ик футбол уга. Тегәд бичкн көвүд наадх зөвтә. Эдн футболар соньмсх зөвтә. Бичкдүдин спортивн школд орхла сән болх. Тегәд өсхләрн эднәс сән футболистнр һарч ирх нәәлвр бәәнә. Ода мана танһчд шишлг спортивн школ көдлжәнә.

Хотл балһсна девснгин дииләч танһчин дөрлдәнд Элст балһсна нер харсх. Энүнә ашт түрүн орм эзлсн команд Өмн үзгин федеральн округин марһанд наадх зөв авх. Округин марһанд цуг арһ чидлән агсж наадхла, эдн алтн медль шүүж авх арһ бәәнә. Аштнь хальмгин футболистнр цугәрәсән марһанд округин нер харсхмн.

Ээнән Делгр, Эрнжәнә Эрднь