• ВЕСТИ
  • МЫ ВМЕСТЕ 2020
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Боксар сурһулин — дамшлтын белдвр түрүн болж Хальмгт кегджәнә

Элст балһснд түрүн болж Әрәсән боксермуд сурһулин болн дамшлтын белдвр кех. Эннь Әрәсән чемпионатын өмн болжах сүл белдврин девснг болжана. Марһан эн жилин май сард болх. Элст балһснд хамгин сән хойр зун боксер ирж дөрлдх. Хальмг танһчас энүнд һурвн спортсмен диилвр бәрхәр зүткх.

Әрәсән спортын мастер, орн-нутгин командын гешүн Чингис Натыров нәәмн жил хоорна боксин секцд ирж орсмн. Эн жилмүдин эргцд кесг диилвр бәрәд, олн медальмуд шүүж авв. Энүнә келсәр, өдр болһн көлсән асхад белдвр кехлә, диилвр ирнә. Иим белдврин йовудт байн дамшлт хоршасн деерән, талдан спорсменмүдин белдвриг хәләх арһ учрна. Ода Чингис Әрәсән чемпионатд сән үзмж бәрхәр белджәнә.

Әрәсән спортын мастер, Әрәсән хамцу командын гешүн Чингис Натыровин келсәр, таллан регионмудас ирсн боксермудла дамшлтарн хувалцжана. Цуг халхаснь Әрәсән чемпионатд белдвр кегджәнә.

Ханты-Мансийск округин команд болхла хамгин түрүнд Әрәсән спортын мастер, нарта-делкән кубокин чемпион Бахтовар Назаровд нәәлжәнә. Иргч орн-нутгин марһан энүнд дарани шүүвр болх. Давсн жилд Оренбург балһснд тәвн хойр килограммин чиннүрт диилвр бәрв. Иргч ик ичнртә марһанд белдврин сүл девснг дәкәд нег эврәннь чидлән сөрж хәләх арһ өгчәнә.

Әрәсән спортын мастер Бахатовар Назаровин келсәр, иим белдвр ик чинр зүүжәнә. Ода иргч марһанд кежәх белдврин сүл девснгнь. Энд сән боксермуд бәәнә. Эднлә чидлән сөрхд олз-туста болх. Энд сән белдвр кехд цуг таал бәәнә.

Белдврин программиг мана орн-нутгин ах тренер Иван Шидловскийн һардврта Әрәсән өөдән мергжлттә тренермуд белдв. Энүнә келсәр, онц оньг цогц-махмудан батрулһнд өггдх, талдан боксермудла чидлән сөрлһнд өггдх.

Әрәсән ачта тренер, боксар Әрәсән командын ах тренер Иван Шидловский келсәр, Әрәсән марһанд белдврин кем төгсж йовна. Ода күн болһн эврәннь дуту-дундсан чикл зөвтә. Белдвр бүрдәмжтәһәр кегджәнә.

Элст балһснд болх чемпионатд Әрәсән булнг болһнас хол дорд үзгәс авн Москва балһсн күртл орлцачнр ирх. Тедн дунд нарта-делкән болн Европин чемпионмуд. Цутхлнг федеральн округин тренер Ашот Гаракян келсәр, эднә делагац хамгин ик, энүнә ханьд зөрн күн оржана. Эдн цуг чиннүрин категорьт дөрлдх. Иим сурһулин болн дамшлтын бедвр боксермудт ик дамшлт хоршахд туслна.

Әрәсән ачта тренер Ашот Гаракян келсәр, Элст балһснд сән боксермуд цуглрв. Эдн цугтан сән белдвр кежәнә.

Хальмг танһчин ах тренер Хонһр Брюгидиковин келсәр, хальмгин спортсменмүдт эннь ик дамшлт болжана. Нег үлү, баһ наста боксермуд сән спорсменмүдәч үлгүр авч чадх. Иим керг-үүлдврин йовудт бокс тархалһна төр халһгджана, мана боксермудын билг-эрдм делгрлт авчана.

Сүл цагт Хальмг танһчд бокс делрглт авчахд спортсменмүдин бәрсн күцәмж ил герч болжана. Дәкәд нег тодлад келхлә, Чингис Натыров болн Араш Абушинов боксар Әрәсән уйн наста спортсменмүдин хамцу командын ханьд орв. Өмн үзгин округин хамцу командын ханьд хальмгин олн боксер оржана. Тегәд иргч марһанд эдн мана танһчин нер харсхар белдвр кежәнә.

Ээнән Делгр, Очра Сергей

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия