Бандитмуд бәрж авгдв, бәрәнд авсн улс сулдхгдв. Иим аштаһар Элст балһсна аэропортын аһуд болсн шишлнг сурһуль төгсв

Бандитмуд бәрж авгдв, бәрәнд авсн улс сулдхгдв. Иим аштаһар Элст балһсна аэропортын аһуд болсн шишлнг сурһуль төгсв. Сурһулин таалар, террористнр йовж йовсн автомобильмудыг хаһад дәврлһ кев. Энүнә хөөн контртеррористическ керг-үүлдврин чинртә бәәдл орулгдв. Машид болн улсин йовлһиг зогсаһад, паспорт бүрткж хәләгдв. Террористнр Элстин аэропортын көдләчнриг бәрәнд бәрж авв. Эдн кесг неквр тәвсмн. Шишлнг әнгин көдләчнр агчмин зуур самолетд болн машинд бәәсн террористнриг бәрж авч чадв. Иим сурһулин һол күцлнь — УФСБ-н, УИНА-на, медицина катастроф нертә цутхлнгин, МВД-н болн талдан чигн зөв-йос харлһна органмудын хамцу керг-үүлдврин зүүцүлһн болжана. Сурһулин ашар цуг әнгс сәәнәр көдлв гиж үнлгдв.