Әрәсәд электронн карточкс орулгджана
Ода Әрәсән арвн минһн күн универсальн электронн карточкс авцхав. Энүг январин нег шинәс экләд өгчәнә. Эндр өдрт иим карточк авх хөрн минһн күн эрлһ орулж өгв. Хамгин олн иим карточк Башкортостанд, Астраханск областьд болн Татарстанд өггдв. Өдгә цагт карточк авх эрлһ орулж өглһнә һурвн зун пункт көдлжәнә. Ода цуг рагионмудт иим карточкар государственн туслмж авлһна көдлмш кегджәнә. Апрелин нег шинд иим карточк көлгн-күчнә халхар бас олзлж болх. Иим карточкар әмтн олна көлгн-күчәр йовж чаджана. Хальмг танһчд иим туслмж күргж чадшго. Эн туст мана танһч нүүрт һарсн уга. Хальмг танһчин зуг һурвн күн иим карточк авсмн. Энүг тавн жилд өгнә. Иим карточкар олн-зүсн коммерческ болн социальн чинртә туслмж авч болжана. Сентябрь сард медицинск учрежеденьст шишлнг оборудовань углж тәвгдх. Энүнә дөнгәр эмчд бичүлж болх.
