7 ноября 2011, 18:55
Үстин района Цаһан Амн селәнд арвн негн өрк-бүл хуучн олн давхрта гермүдәс шин бүүрт нүүж орв
Үстин района Цаһан Амн селәнд арвн негн өрк-бүл хуучн олн давхрта гермүдәс шин бүүрт нүүж орв. Эдн федеральн программар тосхгдсн шин герт бәәршлх. Давсн жилд энүнә төлә арвн сай арслнг йилһж өггдв. Энүнәс йисн сай арслнг федеральн бюджетас ирв, нег сай арлснг бәәрн хазн йилһж өгв. Иргч жилд бас иим программд орлцх ицлтә бәәнәвидн гиж Цаһан Амна СМО-н толһач келв. Дәкәд нег тодлад келхлә, эн программ мана танһчд давсн жиләс авн экләд күцәгджәнә. ЖКХ-н сангас энүнә төлә зун найн долан сай арлснг ирв. Танһчин бюджетас зун дөчн негн сай арслнг йилһж өггдх. Ут-тоодан федеральн программар хуучн гермүдәс танһчин муниципальн бүрдәцд нег минһн күн шин бүүрт нүүж орх.
