Зөв-йосна органмудын зүүцүлһнә селвлцән болв

Эндр зөв-йос тетклһнә зүүцүлһнә селвлцәнә орлцачнр олн патьрмудта гермүдин заллтин халхд мөнг олзлһиг бүртклһ кесн көдлмшч багин үүлдврин урдаснь кесн ашин тускар келв. Коммунальн комплексин организацс мөнгиг талдан кергт олзлсн йовдл илткгдв. Танһчин толһач Алексей Орловин келсәр, ЖКХ-н халх бүртклһн ода күртл сән аш өгсн уга. Энүнә туск материалмуд зөв-йосна органмудт орулж өггдв. Тер саамд бәәрн әмтн эн халхин тускар һардачнрт эрлһ орулж өгчәнә. Мана танһчд коррпуцла ноолда келһнә региональн шишлнг программ күцәлһнә тускар келхлә, энүнд тодхра керг-үүлдврмүд хаһлхин төлә программиг күцц белдх даалһвр танһчин правительствд өггдсн билә. Тер мет Өмн үзгин федеральн округин ирлцнһү ведомствс өгсн селвгүд бас тоод авх кергтә.