Зарһин приставмуд байрин темдглжәнә
Зарһин приставмуд байрин өдр болв чигн урдк кевәр көдлжәнә. Өртә улсла ноолда кеһәд, мөнг некж авчана, зарһин шиидвр күцәжәнә. Ода Элст балһснд нәәмн зун күн алиментан өгчәхш.
Эн эцкнриг зарһин приставмуд күчәр нааран авч ирв. Эдн цугтан өрән данцалһна тускар гөрдж һарна. Эн эцкин келсәр, нааран ирәд, күүндврт орлцх саната. Елена Владимировнад мөнгән өгнәв.
Алиментан эс өгдг әмтн онц улс гиж келх кергтә. Эднлә зарһин приставмуд көдлхд амр биш. Иим улсас өрин некж авхин төлә ода Әрәсәд олн-зүс закан сән таал бүрдәв. Үлгүрнь, өдгә цагт хальмг танһчин зун найн зурһан өртә күн һазадын ордудт һарч йовж чадшго. Эднә өрнь хөрн хйор сай асрлнг тогтажана. Эндр Элст балһсна алиментшикүдлә шажна үүлдәчнр харһад күүндв. Наванг Лодой ламин келсәр, тадн эрүл-дорул әмтн. Цаглань өрән өгх кергтә. Тадн эн мөнгиг эврәннь үрдүдтән өгчәнәт.
Ода Элтс балһснд эцкиннь даавран күцәлго, алиментан эс өгчәх улсин то нәәмн зуунд күрв. Ут-тоодан танһчд болхла эн то дөрвн холванд ик болж һарх. Эн жилин йисн сарин эргцд зарһин приставмуд зурһан эцкәс өрин некж авч чадв. Эдн ут-турштан долан зун минһн арслнг өр данцав. Болв хоосн күүндвр иим улст тус болхш. Зарһин приставмудын заллтин көдләчнр эн жил алиментан үрдүдтән эс өгчәх улсин тускар жирн тавн. Иим улсла күүндвр кехд тус уга болв. Зарһин приставмудын Элст балһсна әнгин ахлачин дарук Саглр Горяеван келсәр, ода мана әнгд алиметин тускар долан зун йирн йисн керг бәәнә. Эдн һурвн-дөрвн минһнәс авн һурвн зун дөрвн зун минһн арслнг күртл өртә. Кемр админи стративн засг иим улст тус эс күргхлә, уголвн керг күцәх закан бәәнә.
Тегәд чигн зарһин приставмуд өдр болһн гилтә олн-зүсн керг-үүлдврмүд бүрдәж, өртә улсин зөөр бичж авна, алиментшикүдиг хәәж авна. Юнгад гихлә ими улс эднәс зулад, бәәдг һазран келхш. Приставин келсәр, ода өртә күн гертә уга бәәж. Энүнд кесг дәкж цаас йовулсн биләвидн. Эн залу күн хөрн тавн минһн арслнг өртә бәәнә.
Хальмг танһчин зарһин приставмудын церглтин көдләчнр алиментшикүдәс күчәр өринь некж авлһна төлә ирлцнһү көдлмш күцәжәнә. Тегәд һарлдсн эцкнр эврәннь үрдүдтән эврә дурар мөнг эс өгхлә, закаһар энүнәс өринь некж авх.
Хавтхна Элла, Бадмаран Владислав
