“Уралан” нертә стадионд хальмг цәәһин байр болв

Элст балһсна “Уралан” — нертә стадионд хальмг цәәд нерәдгдсн байр болв. Ик кезәнәс авн мана өвкнр цәәһәр дееж өрж , бурхндан зальврж , гиичнриг шинкн чансн халун цәәһәр тосна. Эн нәр 2 жил дарандан давулгджана. Давсн жиллә эдл эн өдрин туршарт концерт хәләхәр хурсн улсиг цәәһәр болн бооргцар тоов.

Кел шинжләч Грегори Андерсон Хальмгт түрүн болж иржәнә. Талдан һазрас ирсн күүг хамгин түрүнд мана хальмг улсин хальмг цә соньмсулв. Кел дассхн өмн келн улсин сойл медхлә сән гиж Андерсон тоолжана. Америкд иим байр уга. Тиигәд эн байртр орлцж цә амсндан байрта бәәнәв. Иим нәр наадн кергтә эврәннь авьясан мартхмн биш гиж грегори келв.

Хальмгт цәәһәр тоолһна авьяс ик чинртә. Тиигәд тана цә ууж үзссндән байрта. Амтнь соньн дәкәд болхла хальмг цә олн зүсн тоотс ордг бас соньмсулв. Хальмг цәәһин байрт ирсн улс дунд түрүн болж хальмг цә амссн улс олн болв.

Илона Аверьянова элстин бәәрн күн болв хальмг цә түрүн уусн болж һарв. Нанд тана цә таасгдв. олда экән нанд хальмг цә а гиж сурнав гиж күүкн келв.

Нааран ирсн улст хальмг цә таасгдв. Барин көдләч Менке Конев нәәмн жил талдан балһнд бәәнә. Тенд бәәв чигн өдр болһн хальмг жомба ууна. Санкт-Петербургд чансн хальмг цә хальмгт чансн цәәһәс йилһрнә. Хальмг цә угаһар бәәж болшго. Талдан орн нутгд бәәсн мини үүүрмүд тенд бас хальмг цәәһән чанж бәәнә.

Дангин төрскн һазрурн ирхләрн хальмг жомбаһан уунав, зунын кемд ундан хәрүлнә, үвлин цагт цогц махмуд халулна — инәдж Менке келв. Хальмг цәәг боорцгта уухла талдан хотн керго болна.

Цәәһин нәриг бүрдәсн улсин келсәр эн байр олн улсиг авьяс заншалан медхә гисн учрар үүдәгдсн билә. Санан Уруджаевин келсәр эндр өдр мана танһчд байр наадн баһ. Билгтә баһчуд эн нәәрт цуглурж концертан үзүлж элст балһсна әмтнд болн селәнәс ирсн улст байр белглв.

Хальмг цәәд нерәдгдсн байр ик бид. Концерт ирсн улс сул цаган соньн кевәр давулад хальмг цәәһән ууһад шарсн боорцан идәд, хальмг йөрәлән келәд ду дуулад би чигн бииләд байрлв. Бүрдәгдсн байр хамгин түрүнд мана дорас өсч йовх баһчудт бичкдүдт нерәдгдсн билә.

Надежда Азыдова, Владислав Бадмараев