Троицк селәнә кесг бәәрн әмтн өдгә цагт зовлган эдлжәнә
Ода эн болн талдан төрмүдин тускар тодрхаһар. Троицк селәнә кесг бәәрн әмтн өдгә цагт зовлган эдлжәнә. Урд цагт «Родина» нертә колхозд хөрәд — дөчәд жилмүджин эргцд көдлж йовсн күч -көлснр эндр өдр зөвәр күнд йовдлд туссн бәәнә. Эврәннь зөвән һартан авхин кергт үнән хәәһәд кесг зарһд оддг болцхав. 2007 жил колхоз тарсна хөөн З86 көдләчнр Троицк селәнә муниципальн бүрдәцин медлд ордг 25 минһн гектар һазрин межә авллһна тоод орсмн. Цөн жил хоооран зәрм әмтн негдәд, һазрин межәһән дигләд, закаһар цаасан диглж авх арһ хәәсмн, урвн жилин эргцд зарһ эргәд гүүснә хөөн 54 күн государстенн зөвин цаасан авв. Болв, эврәннь һазран эдн ода күртл олзлж авч чаджахш, юнгад гихләг эднә һазр, крестьянск фермерск эдл ахус эзләд тәрә урһадг болв мал өскдг болв. Эндр өдр һазр хаһллһна 15 һар гектар эврә медлд бәәнә, дәкәд 2 гектар һазр малын идшллһнд бәәнә. Дөрвн жилин туршарт олн әмтн кергтә цаасн цуглурсмн. Крестьянск фермерск эдл ахус ут тоодан 54 күүнд 9 сай арслн өгх зөвтә. Болв эн мөнгиг күн авч чаджадсн уга.
