12 апреля 2012, 15:47
“Теегин айс” нертә хальмг дууна марһана түрүн девснгән төгсәв
Хальмг телеүзгдл сарин туршарт балһсна школмудин сурһульчнр дунд зарлсн “Теегин айс” нертә хальмг дууна марһана түрүн девснгән үзүләд төгсәв. Марһана һол күслнь — күүкдин дуудин билгинь йилһж делгрүлһн, хальмг дуунд болн кел даслһнд күүкдиг соньмсуллһн болжана. Мана хәләһәчнрт эн марһан соньн болв гиж келх кергтә. Энүнә йовудт мана заасн электронн хайгар әмтн орж дууһан өгв. Иим чинртә керг хальмг келнә багшнрин, көгжмин багшнрин дөнг угаһар күцгдшгонь ил медгджәнә. Тегәд эн халхар бидн эднд ханлтан күргжәнәвидн. Марһана жюрин ахлач, көгжмч Манжин Аркадий марһана тускар ухан-тоолврарн хувалцв.
