“Теегин айс” нертә дууна бичкдүдин проект көдлмшән цаарнднь давулжана

Мана телеүзлврт “Теегин Айс” нерәдллһтә дууна бичкдүдин шин проект көдлмшән цаарнднь давулжана. Эн марһан Элст балһсна Мэрийн болн мана телеүзлврин дөнгәр бүрдәгджәнә. Түрүн девснгд диилвр бәрсн көвүд күүкд хойрдгч девснгд оржана. Хойрдгч девснгд кен орхинь тадн күндтә телехәләһәчнр дууһан өгч чаджанат.

Эн өдрмүдт мана хәләһәчнр сайт орад, ухан—тоолврарн хавулцжана. «Шавашмуд» нертә дууг дуулсн Гиляна Дженгуровад болн «Бичкн арлын хулсн», «һурвн альмн» гидг дуудыг дуулсн Эмилия Лиджиевад хойр минһн шаху күн дууһан өгв. Дәкәд болхла Алина Кукаева «Зул» нертә дууг дуулв, Анастасия Моргунова «Цаһан вальс», «Цаһан Сар » баг болн Ангира Наминова «Бичкн арлын хулсн» гидг дуудыг дуулад, нүүрт һарв. Марһана һол күслнь юундв гихлә, тематическ әнгин шеф-редактор Бадма Харлуеван темдглсәр, хамгин түрүнд билгтә баһчудыг дөннглһн болжана.

Бадма Харлуеван келсәр, эн проект олн әмтнд тааста болв. Ода эн төгсдән өөрдж йовна. Мана сайтд кесг улс орад, эврәннь йөрәлин, бүлән үгән бичв.

Апрелин арвнд түрүн девснгин сүл һарц эфирт һарх. апрелин 12д болхла жюрин ахлач Манжин Аркадий марһана аш диглх. Хойрдгч девсгин тускар келж өгх. Тер мет эн проектын режиссермуд Баатр Чингеев болн Байрта Довгаева бембә өдр болһн дөрлдәнә орлцачнрин программ бичжәнә. Бичкн наста билгтнлә көдлхд амр болсн деерән, соньн болжана.

Режиссер Байрта Довгаеван темглсәр, мана балһснд билгтә көвүд-күүкд дала. Эдн хальмг келән меддг деерән, сәәнәр ду дуулна. Тиим сурһульчнрин эрдмиг өөдлүлх кергтә, энүнә төлә мадн проетан эклвүдн.

Эн марһан Элст балһсна мэрийн болн мана телеүзлврин дөнгәр бүрдәгджәнә. Түрүн девснгд диилвр бәрсн көвүд күүкд хойрдгч девснгд оржана. Хойрдгч девснгд кен орхинь тадн күндтә телехәләһәчнр дууһан өгч чаджанат. Марһана дииләчнр товчлгч гала-концерт орлцх зөв авхмн.

Ээнән Дельгр, Хулхачин Николай