Танһчин тәрәчнр царцахала ноолда кежәнә

Танһчин тәрәчнр царцахала ноолда кежәнә. Эн өдрмүдт царцаха зун жирн тавн минһн гертарин һазрин аһуд бәәршләд тәрсн тәрәнд харшан күргжәнә гиж Танһчин эдл-ахун министерствин специалистнр келж өгв. Танһчин арвн хойр районд царцаха олар бәәршлжәнә. Өдгә цагт тәрәчнр эврә арһарн һучн тавн минһн гектарин һазрин аһуд шишлн урсхмлар цацв. Хамгин олар царцаха Лаганск, Октябрьск, Ик-Буурла болн Приютненск райодт харһна. Дәкәд далн һурвн һазрин аһуг шишлн урсхмлар болвсрулх кергтә. Эн жилд царцахала нооолда кехд федеральн бюджетас арвн сай арслнг йилһж өггджәнә. Эн мөнгнәр шишлн техник хулдж авгдх. Специалистнрин тоолврар зогсн дулан өдрмүдт царцаха өндгләд икгднә. Цааранднь халун өдрмүд зогсхла царцахан тонь улм ик болх.