Сурһульчнрт учебникүд өнгәр өггдх
Тадн танһчин зәнг шуд эфирт хәләжәнәт. Һарцан цаарандан өгчәнәивдн. Ода талдан төрмүдин тускар. Элст балһсна школмудын библиотекмудт эклц классмудын сурһульчнрин төлә өнгәр өггдх учебникүд ирв. Эдниг августын һучн түгәж өгх. Энүнә төлә федеральн бюджетас һучн сай арслнг йилһж өггдв. Элстин дөрвдгч школд экл классмудт тавн зун көвүн-күүкн сурх. Эднә төлә цуг дегтрмүд белн. Келхд, зәрм учебниүд, үлгүрнь, негдгч классин азбук электронн эв-арһта. Урднь учебникүд хулдж авхин төлә эк-эцкнр дөрвн минһн арслнг һарһдг билә. Ода бичкдүд дегтрмүд өгнәр авхла, эдн мөнгән әрвлж чадх. Шин учебникүдиг мана зәнгч Ээнән Ольга үнлж чадв.
Элстин дөрвдгч школд эклц классмудт тавн зун сурһульч сурчана. Эднә төлә цуг учебникүд хулдж авгдв. Ода эдниг түгәж өгх кергтә. Келхд, зәрм учебниүд, үлгүрнь, негдгч классин азбук электронн эв-арһта. Урднь учебникүд хулдж авхин төлә эк-эцкнр дөрвн минһн арслнг һарһдг билә. Ода бичкдүд дегтрмүд өнгәр авхла, эдн мөнгән әрвлж чадх.
Элстин дөврдчг школын директорин дарук Светлана Доджина келсәр, шин учебникүд хулдж авгдв. Англь келнә дегтр бас шин. Эдниг өнгәг түгәж өгхвидн.
Сентябрин нег шинәс авн тавдгч классас авн арвн негдгч класс күртл хальмг келнә болн литературин учебникүд өнгәр өггдх. Эдниг хулдж авхин төлә федеральн бюджетас тавн сай арслнг ирв. негдгч болн хойрдгч классин сурһульчнрин төлә шин дегтрмүд — Кирюля болн Цагала нертә дегтрмүд барлгдв. Ке-сәәхн янзта дегтрмүд төрскн кел дасхд бичкдүдт сән нилчән күргх гиж зокьялчнр нәәлжәнә. лайф Светлана Доджина келсәр, хальмг келнә дегтрмүд йир ке-сәәхн, үзгүд ик. Бичкдүдт умшхд амр болх. Сурһульчнр төрскн келән сәәнәр дасх зөвтә. Тер мет шин дегтрмүдт көдлмшч девтр бәәнә.
Льгтон категорьта бичкдүдт цуг сурһульчнрт негдгч классас авн арвн негдгч класс күртл учебникүд өнгәр өггдх. Тнаһчин бюджетин мөнгәр өнчн, инвалид бичкдүд болн баһ тетквртә өрк-бүлмүдин көвүд-күүкд кергтә дегтрмүд өнгәр авхмн. Ах классин сурһульчнр болхла хуучн дегтрмүд чигн олзлж чаджана. Иим эв-арһ танһчин цуг эрдм-сурһулин учрежденьст олзлгджана. Үлгүрнь, дөрвдгч школ хуучн күсдундур минһн дегтр түгәж өгв. лайф Дөрвдгч школын библиотекарь Инесса Колушкина келсәр, зәрм учебниүдиг сурһульчнр эврән хулдж авх. Юнгад гихлә, нег предметар олн-зүсн дегтр кергтә болна. Баһ тетквртә өрк-бүлмүдин бичкдүдт болн өнчн көвүд-күүкдт учебникүд икәр өгхәр зүткнәвидн.
Элстин хйордчг школд эн жил эклц классмудт һурвн зун көвүн-күүкн сурх. Эднә төлә күсдундур минһн учебник ирв. Цугтаднь күртх. Келхд, учебникүд авхин төлә мана региона школмуд эн жилин эклцәр эрлһ орулж өгсн бәәж. Эрдм-сурһулин заведень болһн багш көдлжәх программар учебникүд хулдж авсмн. Елена Макарцова хойрдгч школд багшлжана. Ут-тоодан һучн һурвн жил энд көдлжәнә. Сентябрин нег шинд негдгч класст ирсн зәрм көвүд-күүкд учебникүд угаһар ирдг бәәж.
Хойрдгч школын багш Елена Макарцован келсәр, дегтр уга ирнс сурһульчнр хуучн учебникүд хәәж авдг бәәж. Ода болхла сентябрин нег шин цуг сурһульчнр шин дегтрмүд авх. Эннь ик байр эднд үүдәх. Зуг ода шин дегтрмүдиг сәәнәр хадһлад, жил төгсхлә, библиотект оурлж өгх кергтә.
Багшнрин келсәр, сурһульчнрт өнгәр зуг учебникүд түгәж өггдх. Олн-зүсн көдлмшч девтр болн дөнцл материалмудыг эк-эцкнр хулдж авх зөвтә.
