Соктуһар маши залжах улсин то баһржахш

Эндр өрүн Элст балһсна Хомутниковин нертә уульнцд сурһульчиг машин дәврв. Нег сәнь, энүнә ашт көвүн шав авсн уга. Эн зеткртә йовдлыг элстихн үзж. Тер саамд региональн ГИББД-н зәнглсәр, соктуһар маши залсн жолачнрин то баһржахш. Давсн долан хонгт зеткртә йовдлмуд энүнд герч болжана. Госавтоинспекцин көдләчнр соктуһар маши залж йовсн жирн зурһан жолачиг бәрж авч. Иим кевәр зака эвдсн засг чанһрсн бийнь, жолачнр энүг оньгтан авчахш. Дәкәд нег тодлад келхлә, урднь соктуһар маши залж йвосн күн автомобиль залдг зөвән геедг бәәсн болхла, ода деернь һучн минһн арслнг ял өгх кергтә. Госавтоинспекцин көдләчнрин зәнглсәр, танһчин хаалһст арвн зурһан зеткртә йовдл учрв. Энүнә ашт дөрвн күн әмнәсн хаһцв, хөрн күн шавтв.