Шунмһа оютнрин лагерь болв
“Точка развития” нертә шунмһа оютнрин намрин лагерь Хальмгт дәкнәс секгдв. Эн керг-үүлдвр доладгч тойгта эрдмин лицейд болв. Сән зангшалд тохрсн керг-үүлдврт Элст балһсна деед болн дунд эрдмин сурһулин негдгч курсын оютнр цуглрв. Энүнд оютнрин эврә залврин органмудын шунмһа гешүд орлцв.
Экономикин болн зөвин Москван академин Хальмгин филиалын оютн Анна Страхова иим керг-үүлдврт түрүн болж орлцжана. Семинарт авсн медрл эврә бәәдл-жирһлд болн политическ халхд олзлж болх гиж Анна келнә.
Анна Страхован келсәр, иим семинарт баһчуд бийдән иткәд, эмәлго эврәннь ухан-тоолвран медүлв. Иим марһан көвүд-күүкдт бийән үзүлхд дөн болна. Урднь иим керг-үүлдврт орлцсн бәәж. Энүнд цугнь таасгдв, олн нәәж олж авв.
Ут-тоодан лагерьт тәвн оют орлцв. Көвүд-күүкд багмудар хувагдж көдлв. Тегәд чигн эдн нег-негән сәәнәр медж авда, өөрхн таньлдв. Энүнә хөөн баһчудын төлә мастер-класс бүрдәв. Универсальн оют нертә нааднд эдн эврәннь билг-эрдмән үзүлж чадв.
Эн оютын тоолврар, негдвәр, иим керг-үүлдвр соньн болна. Шин медрл авх арһ учрна. Знаешь ли ты себя я ты и конфликт нертә секцуд көдлв. Экономикин болн зөвин Москван академин хальмгин филиалын хүүвин ахлач болж көдлжәнә. Иим семинар һардачин дамшлт өгнә гиж эн келнә.
Келхд, “Лидерство”, “Этикет”, “Ораторское искусство”, “Знаешь ли ты себя”, “Ты, я и конфликт” нертә инновационн яармин көдлмш оютнрин оньг авлв. Бүрдәһәчнрин келсәр, иим керг-үүлдврин һол күцлнь — танһчин сурһулин заведеньсин шунмюа оютнрит медрл болн дамшлт өглһн болжана, хойрдвар, сурһулин жилин көдлмшин зура батлж авлһн болн дамшлтарн хувалуцх арһучрв.
Танһчин баһчудын политикин, спортын болн туризмин министертствин ах специалист Эрдни Сангаджиевин келсәр, багмуд бүрдәжәх көвүд-күүкдт иим медрл болн дамшлт кергтә. Эдн хамцу кевәр көдләд, бийән сул кевәр бәрнә, билг-эрдмән делгрүлнә. Эврәннь сурһулин заведеньд иим көдлмш кеж чадх.
Керг-үүлдврин бүрдәһәчнрин темдглсәр, “Точка развития” нертә шунһа оютнрин лагерь зуг амрлһна лагерь гиж бүрдәгдсн уга. Энд көвүд-күүкд сул цаган олз-тустаһар давулж чадв. Энүнә ашт сән дамшлт хоршасн баһчудын һардачнрин то өсх.
Ээнән Делгр, Эрнжәнә Эрднь
