Шин жил күртл дигтә һурвн долан хонг үлдв

Шин жил күртл дигтә һурвн долан хонг үлдв. Эн өдрмүдт зәрм улс урдаснь дурта байртан белдвр кежәнә. Өөрхн улстан белгүд хулдж авчана, дәкәд болхла эн өдр әмтәхн сенр хот холар гиичнриг тоолхин төлә бас урдаснь ухалдж белдвр кежәнә.

Эн өдрмүдт элст балһсн сәәхржәнә. Делгүрин үүдн өөр күн болһниг киитн аав болн цаасн күүкн тосна. Эн өдрмүдт әмтн бшин жилин байрт өмсх хувц хунран болн идх уух хот хоолан базр эргж хәәнә. Лавкин хулдачнр олн улсиг олн зүсн акц бүрдәһәд соньмсулжана. Тавн наста Кермн Лавгаева ээжтәһән хамдан базр лавк эргәд шин жилин байрт өмсх бүшмүд хәләжәнә. Моһа жилиг бичкн кермен күүкн цасн күүкн бүшмүд өмсәд тосх саната.

Би эн лавкд цасн күүкнә костюм авхар ирләв. Нанд эн бүшмүд дигтә дәкәд икәр таасгджана-гиж тавн наста күүкн ухан тоолврарн хувалцв.

Бичкдүдәс ард үлдлго бөдүн залус болн күүкд улс бас бийдән сән сәәхн бүшмүд хулдж авчана. Дәкәд болхла эдн өөрхн элгн садндан үр иньгүдтән дурта белгүд хулдж авхар гүүдцхәнә.

Моһа жил оржана тегәд эн өдрмүдт кесг әмтн үүрмүдтән моһа наадһа хулдж авх саната.

Шин жилин байрин өмн өргнд МЧС-ин көдләчнр саглулгч керг-үүлдврмүд күцәж, әәмшг уга бәәдл тетклһиг бүрткж хәләжәнә.Эндр ведомствин көдләчнр пиротехник хулджах ор һанцхн магази бүрткж хәләв. Хамгин түрүнд кергтә документ некнә. Иим эв-тавр хулдхин төлә ирлцнһү сертификат кергтә. МЧС-ин көдләч эд-таврт бичәтә цәәлһвр умшна. Иим цәәлһвр эрк биш орс келәр бичәтә бәәх зөвтә.

Эс гиж эд-тавр худл гиж тоолгдх. Тер мет олхлх болзг бәәх зөвтә. Инспектор Калиев Газизин келсәр. энд хулдгджах пиротехник цуг кергтә некврлә ирлцжәнә. Дәкәд эн өдрмүдт елк нертә саглулгч керг үүлдвр күцәгдх.

Энән Делгр, Арстана Светлана, Колдана Церн