Садв гемтә улсин диспансерт эмнүлһнә таал сән
Тадн танһчин зәнг шуд эфирт хәләжәнәт. , арцан цаарандан өгчәнәвидн. Ода талдан төрмүдин тускар. Садв гемәр гемтсн улсин то Хальмг танһчд һучн процентд баһрв. Энүнә тускар танһчин садв гемтә улсин диспансерин специалистнр зәнглв. Ода мана регионд эн хальдврта болн әәмшгтә гем илткж авлһна болн энүнәс гетлүлһнә төлә цуг кергтә эмнүлин таал бүрдәгдв. Медицинск учрежденьд дәкәд ямаран то заав болн эрүл-менд харлһна халх шинрүлһнә программар бәәдл яһж сольгдсна тускар мана зәнгч Ээнән Ольга келжәнә.
Татьяна Беспалова садв гемтә улсин диспансерин лабораторьт һучн тавн жилдән көдлжәнә. Энүнә келсәр, урднь цуг шинжлтыг һарарн кедг бәәж. Ода медицинск учрежденьд шин өдгә цагин некврлә ирлцәтә техник ирснә хөөн шинжлт кехд амр болв. Энүгхамдан көдлжәх Эльза Овлыкова бас дөннжәнә. Ода энд биохимическ болн гематологическ шинжлт кехин төлә дала цаг керг уга. Шинжлтын аш компьютерт тер дарунь һарч ирнә.
Садв гемиг илткж авхд эрк биш рентгенограф кергтә болна. Шин аппарат садв гемтә улсин диспансерт давсн жилд ирв. Валентина Букаева эм илткж авлһна әнгин хамгин дамшлтта көдләч болжана. Рентген зургар гем илткж авдг иим специалистнр мана танһчд ховр.
Эмч-рентгенолог Валентина Букаеван келсәр, цуг шинжлт ода компьюетрин эв-арһар кегднә, хойр-һуврн минут болад рентген зург һарч ирнә. Энүг тер дарунь экранд хәләж болх. Кемр немр шинжлт кергтә болхла, энүнд тер дурнь кеж болх.
Тубдиспансерин специалистнр райодт одад, дор ормднь гемтә улсиг шинжлж хәләнә. Өдгә цагт мана танһчд сад гемтә улст өөдән чинртә медицинск дөн күрггдсн бийнь, Хальмг танһчд эн гемәр гетмлһнә регионмуд дунд Әрәсәд нәәмдгч ормд йовна. Сүл хорй-һурвн жилд эн халхар бәәдл невчк ясрв. Ода садв гемәр гемтлһнә улсин то Хальмгт һучн процентд баһрв. Болв бичкдүд дунд садв гемәр гемтсн улсин то зөвәр өсв.
Танһчин садв гемтә улсин диспансерин ах эмч Герман Авалдыковин келсәр, ода эврәннь көдлмштән шин эв-арһ олзлж көдлжәнә. Урднь иим гемтә улсиг илктж авхд күнд билә. Ода амр. Давсн жилд Хальмг танһчд хойр зун тәвн дөрвн күн садв гемәр гемтв. Эннь йир тавн процент тогтав. Ода садв гемәс көлтә өнгрдг улсин то мана танһчд баһрв.
Ода диспансерт күнд гемтә әмтн зуг терапевтическ эмнүлһ авчана. Иим эмнлүһн зурһан сарас авн хйор жил күртл кегднә. Ода медицинск учрежденьд бәәцин цуг таал бүрдәгдв. Гемтх улс сән чинртә хот-хоолар теткгджәнә. Эн көдлмшиг эмч-диетолог күцәнә. удл уга диспансерт хирургическ әнг секх зура бәәнә. Тиигхлә күнд гемтә улст сән чинртә медицинск дөн күрггдх.
