Прокурор Владимир Шипиевд өөнин медаль бәрүлж өгв

Эн жилд хальмгин прокуратур 90 жилин өөнән темдглжәнә. Байрин өмн өргнд кесг жилдән эн ведомствд көдлсн нертә прокурор Владимир Шипиевд өөнин медаль бәрүлж өгв. Жөөлн зангта, тогтун, цаһан седклтә мел тиим үгмүд хамдан көдлж йовх улс Владимир Шипиевин тускар келнә.

Эн керг үүлдврт орлцхар кесг әмтн хурв эднәс ик зунь баһчуд. Дигтә тиим коллективд кесг жил хооран эврәннь көдлмшән Владаимир Шипиев эклсн билә. Энд көдлв чигн эврәннь түрүн мөшкәч эрдмдән дурта бәәсмн. Хальмг Танһчин прокурорин ахлачин дарукин үүл дааж йовсн цагт мөшкәчнрин әнги ахлж йовла. Эн цагин эргцд Владимир Шипиев кесг уголовн кергүд мөшкв. Эн күүнә нилчәр энүнә дамшлтар әмнәсн хаһцсн инспектор Алахвердован һарһсн үүл илдкгдв. Троицк ноосна фабрикин хулха кегдсн тускар бас кесг кергүд эн күүнә нилчәр секгдсн билә. Эн кергин тускар найн том материалмуд цуглурсн билә.

Владимир Шипиевин келсәр хамгшин түрүнд энк көдлхәр седсн улс зака сәәнәр медх зөвтә. Эн цагин эргцд кесг әмтнд дөн нөкдән күргсн билә. Шинкән наааран көдлхәр ирсн баһчудт селвг өгч дөн болв. Энүнә үрврәр мана прокуратурт талдан регионмудас көдләх әмтн ирсн билә.

Минһн йисн зун найн һурвдгч жилд Владимир Шипиев Хальмгин прокурорин үүл даасмн. Дигтә тер цагт энүнә көдлмш һашута йирдгч жилмүдлә ирлцсн билә. Энүнә дамшлтар тер цагт кесг керг илкдгдсн билә-гиж эндр өдр энүнә тускар хамдан көджлж йовсн улс келжәнә. Энүнлә хамдан олн жилдән сән коллектив көдлжәнә.

Эндр өдр дамшлта олн жилдән йилһән сән кевәр көдлсн Владимир Шипиевас дорас өсч йовх баһчуд үлгүр авчана. Эн цагин эргцд эн күүнд кесг ачлврмуд бәрүлж өгсн билә. Эндр өдр Владимир Шипиев Әрәсән ачта юрист цол зүүжәнә, Әрәсән пркуратурин ачта көдләч, дигтә эн өдрмүдт Әрәсән прокуратурин хойр зун йирдгч өөнин медаль байрин бәәдлд бәрүлж өгсн билә. Сүл жилмүдт Владимир шипиев Әрәсән федерацин генеральн прокуратурт церглж йовна.

Харһлтын чилгчәр олн әмтн дамшлта көдләч Владимир Шипиевд халун йөрәлән нерәдж белгүдән бәрүлв.

Чуучән Валентина, Ирчин Алексей