Пальмовин нертә музейин көдләчнр бичкдүдин садмудын көвүд-күүкдин төлә шин наад тәвв

Пальмовин нертә музейин көдләчнр бичкдүдин садмудын көвүд-күүкдин төлә шин наад тәвв. Эн нааднд музейн көдләчнр хуучн цага болн өдгә цагин наадһас олзлад тетрализован нәр үзүлв.

Мартгдсн хуучрсн наадһас-эн соньн цаһан седклтә туужд инглтин болн хов зөөдг әмтнә тускар келгджәнә. Түрүн секундас авн заалд суусн бичкдүд болн бөдүн улс илвтә орн нутгт туссв. Эн орн нутгт цаһан седклтә улс бәәнә. Туульд орсн һол дүрмүд йир жөөлн зангта, саһан саната.

Спектакләс бичкдүд хуучн цагт наадсн наадһсин тускар медж авв. Өдгә цагт эн наадһас әмтнд керго. Илвтә һол дүрмүд бичкдүдиг болн эднә эк эцкнриг өдр бүүрин бәәдл жирһлд талданар бәәх кергтә гиж дасхна.

Эн нааднд орлцжах Церен Манжитов йир байрта бәәнә. Тер юнгад гихлә спектакльд келсн сүв селвгүд дорас өсч йовх баһчуд туста болх.

Нертә артистнр эн нааднд орлцжахш. Эн керг үүлдврт музейн көдләчнр болн эднә көвүд күүкд орлцжана. Эднә ухан толлврар бичкдүд олн зусн соньн тоотс бийдән өингәж авв. Цааранднь эднд тус күрглх гиж сангдна. Хамгин түрүнд бидн эврәннь наадмүдтан әрүн кевәр хадһлх кергтә дасхнавидн.

Ирина Усчаеван келсәр бичкдүд оньган өгч нәр наадыг хәләв. Өдр болһн бичкдүдин садмудас кесг бичкдүд ирнә. Эдн мана бүрдәсн спектакль йир таасгдна.

Зунын амрллһна өдрмүдт музейн көдләчнр музейд ирсн бичкдүдән олн зүсн нәр наадан байрулхар сана зүүжәнә.

Бевина Мерген, Жамбин Дмитрий