Оютнрт көдлмшин сул ормин тускар зәнглгдв
Жил болһн Хальмгин университетд болдг сул көдлмшин яар баһчудыг икәр соньмсулв. Эн өдр оютнр болн деед сурһуль төгсәсн көвүд-күүкд предприятьмудын болн организацсин һардачнрла харһад күүндх арһ учрв. Тер мет энд райодын улсин көдлмшәр тетклһнә цутхлнгин специалистнр көдлв.
Хальмгин университетин экономическ факультетин тавдгч курсын оютн Альма Кулькуева эврәннь дассн эрдмәр көдлмш олж авх гиж нәәлжәнә. Сурһулян төгсәчкәд, эк-эцк бәәх Ергенинский селәнд одад көдлх саната. Көтчнрә района улсиг көдлмшәр тетклһнә цутхлнгин көдләчнриг келсәр, көдлмшин сул орм бәәнә. Района эдл-ахусд экономистнр керглгджәнә.
Көтчнрә района улсиг көдлмшәр тетклһнә цутхлнгин специалист Татьяна Корнееван келсәр, района эдл-ахусд экономистнр эс гиж бухгалтермуд кергтә. Эн күүкнд кергтә көдлмш олж өгх. Энүнд таасгдх.
Хамгин ик чеерүд Элст балһсна улсиг көдлмшәр тетклһнә цутхлнгин специалистнрт цуглрв. Энд нурһлж экономическ болн юридическ факультетмудын оютнр зогсжана. Зәрм баһчудла мана үүдәгч баг харһад күүндв. Селән һазрт баһчуд йовхар седжәхш. Эн күүкнә келсәр, баһлснд үлдәд көдлх саната. Хулд-гүүлгәнә халхар.
Тер саамд селәнә эдл-ахусд специалистнр дутжана. Целинн райоан әмтиг көдлмшәр тетклһнә цутхлнгин директор Сергей Антоновин келсәр, ода селәнд механизатормуд керглгджәнә, селәнә эдл-ахун талдан специалистнр кергтә. Медицинск көдләчнр бас дутжана.
Эмчнриг, багшнриг болн бчикдүдин садмудын сурһмжлачнриг селән һазрт бас күләжәнә. Тер мет Элст балһснд, эрдм-сурһулин заллтин то-дигәр йирн долан багш кергтә. Баһ наста специалистнрт муниципалитет мөнгнә дөн күргх саната.
Элст балһсна админи страцин эрдм-сурһулин заллтин специалист Ирина Пранцузован келсәр, сар болһн баһ наста специалистнрт немр тавн зун арслнг һурвн жилд өггднә. Тер мет балһсна школмуд баһ наста багшнрт нег минһн —күсдундур минһн арслнг немж өгчәнә. Тер мет эднд һазрин участк йилһж өгх төр хаһлгджана.
Энүнә хөөн баһчудыг көдлмшәр тетклһнә төрәр төгрг ширән сүүр болв. Өдгә цагт государств дунд эрдмин сурһулин заведеньсиг дөннх зөвтә гиж күүндврт орлцсн улс темдглв. Ода мана танһчд көдлмшч эрдмин көдләчнр олар керглгджәнә.
Чучян Валентина, Настан Сергей
