Оютнрин марһанд дууһин, бииһин, журналистикин болн театральн дөрлдәнд баһчуд орлцв
Марһана түрүн өдр цуг орлцачнр шүүврин девснгд орлцад, дууһин, бииһин, журналистикин болн театральн дөрлдәнд орлцв. Энүнә йовудт соньн үүдәгч даалһвр баһчуд күцәх, зәрм билгтә көвүд-күүкд иргчдән эврәннь билг-эрдмән делгрүлж чадх. Соньн дөрлдәнә тускар мана сюжетд келгджәнә.
Нег минһн нәәмн зун арвн хойрдгч жилин дәәнд хальмгуд орлцсна тускар видерепортаж цокж авхд иим олн улс ирж марһанд орлцхин тускар Пальмовин нертә келн-улсин музейин көдләчнр күләжәсн уга. Оютнрин хавр нертә марһана орцланр иим даалһвр зуг дөрлдән эклхин өмн авч. Тегәд эдн арвн тавн минутын кемд ямаран кевәр материалан белдж авхин тускар ухалж зөвтә билә. Журналистнрин секцин көдлмшт Хальмгин деед болн дунд эрдмин сурһулин хөрн көвүд-күүкд орлцв. Болв эднәс зуг цон күн иим даалһвр күцәхәр шиидв. Тегәд чигн хйор часин эргцд иим ик чинртә туужлчг төрәр сән репортаж цокж авхд баһчудт күнд болад бәәв. Марһана орлцач Айса Нюдлееван келсәр, ода музейд эн төрәр экспозиц уга бәәж. Зуг фотозургуд цокж авх кергтә.
Келхд иим соньн марһана региональн товчлгч девснг мана телекомпаньд болв. Тегәд оютнрт телекомпаня көдләчнр нөкд болхар шиидв. Хальмгин телерадиок компаня дамшлтта операторму болн продюсер дөн болв. Эдн яһж телекамер белдж авхин, электрогерд яһж тәвхин болн кенәс ямаран интервью авхин туска цәәлһвр кев. Марһанд орлцсн зәрм баһчуд эврәннь сурһулин заведеньдан олн-зүсн студьт көдлнә. Иим дамшлт эдндлдәнд сән нилчән күргв. Марһана бүрдәчнрин келсәр, удл уга Челябинск балһснд болх цугәрәсән девнсгд орлцх көвүд —күүкд бас хойр часин эргцд тас талдан балһснд урдаснь меддгәд уга төрәр репортаж белдх зөвтә. Танһчин баһчудын цутхлнгин директорин дарук Евгений Инжикован келсәр, туужин туск материал олзлхла сән болх. Тегәд баһчуд соньн репортаж кех даалһврта.
Марһана дииләчнриг Элст балһснд государственн концертн залд мөрәлв. Тенд журналистнрин дөрлдәнд диилвр бәрсн улсин видеороликуд үзүлгдв. Кедү күн Челябинск балһснд одхин тускар ода медгдәд уга. Мөнгн олхла мана танһчин баһчуд Әрәсән марһанд орлцж чадх.
