Ода юридическ улс болн балһсна организац көк түләнә кемжәг талданар өгх

Эндр өдрәс авн юридическ улс болн балһсна органиц көк түләнә кемжәг талданар өгх. Шин закана сольврар эдн шишлн прибор — счетчикүдәр кемжәһән өглго талдан эв арһ дамжулад өгч чаджана. Эн эвр арһ “узел учета” гиж нерәднә.

Генеральн ахлач Бован Санл газин шин счетчик үзүлжәнә. Эн счетчикүдиг тәвүлхин өмн газин специалистр зәәлһвр кенә. Эн счетчикүд өдгә цагин некртлә ирлцжәнә.

Санл боваевин шин счетчик хойр әнгәс тогтна. Шин счетчикар бүкл жилдән көк түләнә кемжәг специалитср тоолж чаджана. Бачм бәәдл тогтхла шин прибор тер дарунь зогсна. Дәкәд әмтн эн приборд орж чадшго.

Элст балсһна предприятьмуд шин счетчикүд тәвхәр седжахш. Болв иргчдән эн счетчикүдиг тәвх кергтә гиж калм газин специалистр маднд келж өгв. Эн тускар маднд калм газин компанин директор Днепровский Василий келв. Шин батлсн әрәсән закаһар юридическ улс болн арһлачнр шин счетчикүдәр газин кемжәг өгх зөвтә. Өдгә цагт әмтн эдлсн газин кемжәг өгхәр седжәхш. Эн туст кесг эрлх зархд орулгдсн бәәнә.

Өдгә цагт зарһин көдләчнр авч ирсн цаасиг тер кевәр үлдәсн бәәнә. Өдгә цагт олзлжах счетчикүдәс шин счетчик аһарин болн дарлтын кемжәг үзүлжәнә. Электронн чип чигн энүнд тәвгдсн бәәнә.

Василий Днепровский келсәр, шин счетчик тәвлһнә тускар архлачнрт ик урдаснь цаасн ирсн билә. Рейд болна хөөн әмтн тиим шин счетчикүд тәвх саната. Тиим счетчик эс тәвсн улс ялд унһах. Өдгә цагтолзлжах счетчикүдин кемжән тоод орулгдшго. Энүнә ашт әмтн икәр мөнгән өгх.

Бюджетн организацсд мөнгн уга, тегәд тиим организацас эндр өдр шин газин счетчикүд олзлшго. Газин кемжәг эс өгсн улсиг ялд унһах гиж специалистр келж өгв.

Чуучән Валентина, Хулхачин Николай