Ноябрь сард шин театральн сезон эклнә
Ноябрь сард шин театральн сезон эклнә. Энүг хәләһәчнр тенкән уга гидгәр күләнә. Эн жил Хальмгин келн-улсин драмин театр үүдәлтин шин хаалһд оржана. Эн жилин зунар танһчин ТЮЗ театр болн келн-улсин театрин коллектив негдв. Иим хүврлт театрин өнчта өөнләирлцв. Далн тавн жил хооран келн-улсин драмин театр бүрдәгдсн билә. Тер мет эн жил хальмгин нертәбичәч Баснга Баатрин төрсн зун жилин өөн темдглгдх. Ода мана театр энүнәнер зүүжәнә.
Эн өдрмүдт Хальмгин келн-улсин драмин театрин артистнр Баснга Баатрин бичсн Булһн нертәшин наад белджәнә. Ода белдврин көдлмш энд гүргүдән. Келхд, эн наадн урднь чигн театрт тәвдгдсн билә. Давсн зун жилин далдгч жилмүдт Хальмг танһчин ачта артистк Нина Барыкован наад хәләсн улсин нүднәс наадна чилгчәр нульмсн асхрдг бәәсмн. Ода наадна һол дүриг баһ наста артистк Нина Найминова нааджана.
Эн наадн шүүж авснь бас учрта. Булһн түүк нертәбичәч Баснга Баатрин хамгин сән үүдәвр болжана. Соньн наадн тәвснәхөөн театр бүрдәгдв гиж келж болх. Эн жилин декабрь сард хальмгин келн-улсин театр зун жилин өөн темдглх. Булһн наадыг тәвхд амр биш. Режиссерин тоолврар, күүкд улсин бәәдл-жирһлин төр ода чигн ик чинр зүүжәнә. Марий Эл республикин искусствин ачта үүлдәч Василий Пектеевин келсәр, шин нааднд хальмг улсин ду-би, амн үгин зөөр олар олзлх санатав. Йоста байр үүдәх зура бәәнә. Шин наадын танһчин улст таасгдх гиж нәәлжәнәв.
Наадна режиссер Марий Эл республикин искусствин ачта үүлдәч Василйи Пектеев артистнрт үүдәгч урмд өгәд көдлжәнә. Ода тетарин ханьд далн артист көдлжәнә. Энүнәс ик зунь баһ наста билгтәбаһчуд. Эдн цугтан Әрәсән театральн деед сурһуль төгсәһәд, төрскн һазртан хәрж ирж көдлжәнә. Пектеевин келсәр, хальмгин артистнр үүдәгч билгнь йир сән. Эдн цугтан шин эв-арһ олзлж наадхдан дурта. Шин наадыг элстихн болн хотл балһсна гиичнр декабрь сард үзж чадх. Удл уга театр хойр дам өөнән темлглхәр белджәнә. Эн жил келн-улсин театр далн жилин өөнән темдглх. шин театральн сезог келн-улсин театр Баснга Баатрин үүдәсн Күмн өврж ханшго йовдл нертәнаадар бичсн “Энкр манахс” наадар секх. Баснга Баатрин нертәкелн-улсин драмин театрин художественн һардач Борис Манджиевин келсәр, ода хойр өөнд тохнята ик белдвр кегджәнә. Энүнд театрин директорас авн эгл көдләчнр күртл орлцжана. Хамдан цуглрад көдлсндән ик байрта бәәнәвидн.
Эн жил тетарин түрүн наад тәвснәхөөн, хәләһәчнр театрин герин өөрәс автобусар гер талан хәрж чадх. Театрин һардвр олн улсин төләсән таал бүрдәхәр зүткжәнә.
Хавтхна Элла, Очра Сергей
