Нег жил хооран арһлач Наталья Заруцкаяг алсна туск керг зарһд йовулгв
Элст балһсна арһлач Наталья Заруцкаяг нег жил хооран алсн билә. Ода энүнә туск керг зарһд йовулгв. Энүнә тускар эндр Хальмг танһчин мөшклһнә комитетд зәнглв.
Элст балһснд бәәсн арһлач Наталья Заруцкаяг алсн йовдл — бандитнрин күцәсн зектртә йовдлнь негн. Эн зеткртә йовдл ик шууга татв. Дарук өдрин өрүһәр мана Вести-Калмыкия программин үүдәгч баг йовдл учрсн ормд ирхлә, энүнә тускар дала юм медж авч чадсн уга. Күүкд кү алсн аптьрин үүднд тииз тәвгдж. Эн патьрла хам-хоша бәәх күүкд күүнә келсәр, апрелин дөрвнд Заруцкаяг машинд суужасн үзсн бәәж. Көдлмштән йовж одв гиж дотран санв. асхлад Заруцкая көдлмшәсн ирсинь Ситникова сонсж. Зуг энүнә патьрт әмтн шуугсинь Лидия Андреевна иткүлсн уга. Болв сө хөрн һурвн часла үүдән секәд хәләхлә, Ситникова милиционермудыг үзв. Хам-хоша бәәх патьрт зектр учрв гиж дотран санж. Заруцкаяг алсн туск зәнг сонсчкад, яһад алсмб? гиж келв. Тер мет Заруцкаяла хамдан көдлжәсн әмтн бас икәр үүмв. Эн компаньд көдлжәсн Заруцкаян көвүн Михаил хамдан көдлжәсн улст энүнә тускар зәнглж. Тер өдрин бийднь мана зәнгчнр мөшклһнә комитетин көдләчнрлә күүндж чадв. Мөшклһнә комитетин байрин церглтин көдләч Арслнг Чурюмовин зәнглсәр, Күүкд кү алсн күн бәргдәд уга, болв эн йовдл һарһсн әмтн харлгджана, мөшклһнә болн шинжлтын үүлдвр цаарандан күцәгдх.
Арһлач Наталья Заруцкаяг алсн әмтн бәргдв гиж хойр долан хонг болад дотр-дундын кергүдин министр МВД-д болсн пресс-конференцд зәнглсмн. Келхд, энүг алсн әмтн талдан чигн зеткртә әәмшгтә йовдл учраж гиж харлгдв. Хальмг танһчин дотр-дундын кергүдин министр Баатр Гиндеевин келсәр, бәргдж авсн улс әмтнәс күчәр зөөринь авдг бәәж, арһлачнриг гетәд бас мөнгинь авсн билә.
Пресс-конференцд министрин келсәр, эн зеткртә йовдлын мөшклһнә йовудыг Хальмг танһчин толһач Алексей Орлов эврәннь бүртклһнд авсн билә. Ода болхла мадна медсәр, долан күн орлцата багин тускар уголовн керг зарһд йовулгдв. Эдниг Әрәсән уголовн кодексин кесг статьяһар гемшәжәнә. хальмг танһчар мөшклһнә заллтин ахлачин дарук арснг Чурюмовин келсәр, преступн багин орлцачнр Элст балһснд болн танһчин аһуд кесг дәкж хулха кеһәд, энц эздүдин предприятьмудын һардачнрас болн талдан чигн улсас мөнг некдг бәәж. Ут-тоодан эдн арвн зака эвдсн йовдл учраж, тер тоод арлһач Заруцкая алж. Удл уга эн зектртә йовдлын туск керг Хальмг танһчин Деед Зарһд хәләгдхмн.
Чучян Валентина, Хулхачин Николай
