Настольн теннисн марһанд уйн наста спортсменмүд дөрлдв
Физическ культурин ачта көдләч Анатолий Куберлиновин мөрән төлә болсн настольн теннисн танһчин марһанд бас дииләчнр йилһрв. Энүнд уйн наста зун хөрн көвүн-күүкн чидлән сөрв. Жил ирвәс бичкн теннисистнрин то өсәд йовна. Зуг харм төрхд, иим спортар прфессиональн кевәр көдлх бичкдүдин иргчнь ода ил медгджәхш. Ода мөнгн угаһар талдан регионмудт болдг марһаст һарч йовдг арһ уга болжана. Эн саамд иим марһа бүрдәхин төлә бүрдәһәчнрт спонсормуд хәәж авх кергтә болв. Удл уга Ставропольск крайд бас марһан болх. Энүнә төлә дәкәнс эк-эцкнрәс мөнг цуглулж авх кергтә болжана. Марһанд хамгин сән үзмж бәрнс уйн наста спортсменмүд йовх. Зуг ода иим бичкдүдин то дегд баһ болжана. Государствин халхас эдниг эс дөннхлә, настольн теннис мана танһчд делрглт авшго.
