Наркоконтролин церглт арвн жилин өөнән темдглжәнә

Эндр наркоконтролин көдләчнрин сән өдр. Иим шишлнг ведомств тогтаснь дигтә цаглань кегдв, ик чинртә бүрдәц гиж иткүлв. Эндр антинаркотическ церглтин арвн жилин үүлдврин аш диглгдв. Арвн жилин эргцд ведомствин көдләчнр хойр минһн зака эвдсн йовдл илткгдв, йирн хойр притон уга кегдв, дөрвн килограмм наркотик илткж авгдв. Энүнә ашт наркотик олзлдг улсин то невчк баһрв, тер тоод баһчуд дунд иим то бас баһрснь сән темдг. Хальмг танһчар наркоконтролин церглтин ахлач, полицин полковник Георгий Солдаткина келсәр, цуг эн көдлмш талдан зөв-йосна болн бүртклһнә органмудла хамдан кесн нөкцлтин дөнгәр кегдв. Ведомствин седвәрәр, кодеинта эм сул хулд-гүүлгәнәс авх правительствин шиидвр батлж авснь эн туст сән ничлән күргв. Сүүрт танһчин толһач Алексей Орлов орлцв. Хургин йовудт наркоконтролин нүүрлгч көдләчнр мөрәһәр ачлгдв.