Наполеонла болсн дәәнд хальмгуд орлцсна тускар танһчин номтнр кесг шинжлт кесмн
Нег минһн нәәмн зун арвн хойрдгч жилин дәәнд хальмгуд орлцсна тускар Хальмг танһчин номтнр кесг шинжлт кесмн. Иргч жилд Наполеонла болсн дәәнд диилвр бәрснә хойр зун жилин ончта өөн күцх. Тегәд номтнр эн төрт онц оньг тусхажана. Эн халхар соньн аш бәәнә. КИГИ РАН-а доцент Уташ Очиров иим төрәр икәр соньмсжах номт болжана.
Нег минһн нәәмн зун арвн хойрдгч жилин дәәнә төрт Уташ онц оньг тусхана. Әрәсән әәрмд хальмгуд дегд ик баатрльг церг гиж урднь тоолгдго бәәсмн. Ода болхла талдан тас талдан тоолвр бәәнә. Париж балһснд орлһнд болн Наполеониг дахж йовсн египетск цергчнриг күүчснд хальмгин мөрнә церг баатр-зөрмг кевәр дәәлдсмн. Туужин номин доктор Очра Уташин келсәр, хальмгин цергрмгин баатр зөомг кевәр нег минһн арвн дөрвдгч жил дәәлдсмн. Эн кемд дәәлдән Францин аһуд болж. Хальмгуд хортна хамгин күчтә болн күнд хувц өмссн мөрнә церглә ноолдв. Тер бийнь хальмгуд эдниг күүчж чадв.
Өдгә цагт Уташ Очировин шинжлтин нилчәр хальмгин мөрнә цергиг францин хамгин сән бол күчтә цергин өмнәс дәврүлдг бәәж гиж медгдв. Хортна күн мөрнә церг хальмгин баатрмудын дәврлһиг тесж чадлго, диилгддг бәәж. Хальмгин номтнрин күцәсн ик көдлмшин дөнгәр олн-зүсн шин документмуд олдгдв. Энүнд нег минһн нәәмн зун арвн хойрдгч — арвн дөрвдгч жилмүдин дәәнд наполеона цергиг күүснд хамьмгин дәәчнр орлцсна тускар соньн материалмуд бәәнә. Нег үлү, иим дәәлдәнд кедү хальмгин цергчнр орлцсн тускар ода ил медгдв. Тер мет һурвн полк орлцата хамльгин мөрнә церг ямаран хаалһар йовснь бас ода медж болх. Хальмгин цергчнрин ханьд тенгин хазгуд орлцад, баатр-зөрмг кевәр дәәлдснә тускар номтнр олн улст сәәнәр медүлв. Шин олж авсн туужлгч материалмуд удл уга Әрәсән академин номин гуманитарн шинжлт кедг институтын һурвн дегтрт барлгдх.
Хавтхна Элла, Жамбин Дмитрий
