Мингиян Семенов Хальмг танчһин Герой
Мингиян Семенов Хальмг танһчин Герой. Мингиян Семеновд хамгин өөдән ачлвр — Хальмг танһчин Героийн нер зүүлһхин тускар танһчин толһач Алексей Орлов ирлцнһү зәрлг батлж авв. Һучдгч Олимпийск нааднд греко-римск янзар бөк бәрлдлһнә марһана ашар күрл мөнг медаль шүүж авсн Әрәсән спортын нарта-делкән классин мастер, Хальмг танһчин физическ культурин болн спортын ачта көдләч Мингиян Артурович Семеновд мана танһчин хамгин өөдән чинртә ачлвр — Хальмг танһчин Герой нерн зүүлһгдв. Лондон балһснд болжах һучдгч Олимпийск нааднд күрл мөнгн медаль шүүж авсн хальмгин бөкиг Әрәсән правительствин ахлач Дмитрий Медведев йөрәв. Энүнә сунһугд иигж келгджәнә. Олимпиадт иим сән күцәмж бәрхин төлә та тохнята сән белдвр кеһәд, цуг арһ-чидлән, дамшлтан агсж ноолдад, греко-римск янзар бөк бәрлдлһнә дөрлдәнд иим ик ачлвр авснла халун зүркнәсн йөрәжәнәв гиж Медведевин йөрәлд келгджәнә.
