МЧС-ин көдләчнр сурһульчнрла харһлтс кежәнә
Түүмрәс әәмшг уга бәәлһнә нег сара керг-үүлдврин программар региональн МЧС-ин көдләчнр олн-зүсн керг-үүлдврмүд, тер тоод марһас, тематическ һәәхүлмүд бүрдәж давулжана. Энүг Әрәсән түүмрәс харлһна церглт тогтасна өөнд нерәдж давулжана. МЧС-ин ветеранмудла болн ведомствин көдләчнрлә Элст балһсна арвн хойрдгч школын ах болн дунд классмудын сурһульчнр харһлт кев.
Элст балһсна арвн хойрдгч школын сурһульчнрт МЧС-ин түүмр унтралһна әнгин көдләчнр эврәннь үүдәгч билг-эрдмән болн көдлмшән үзүлв. Тер мет көвүд-күүкд түүмр шатсн кемд бийән яһж бәрхин тускар медж авв, танһчин түүмр унтралһна церглтин көдләчнрин күцәмжин тускар сонсв.
Эн күүкнә келсәр, эднә көдлмш йир әәмшгтә болн күнд. Эдн йоста баатрмуд. Түүмр унтралһна церглтин көдләчнр әмтиг зеткрәс харсж авна. Түүмр үунтралһна церглтин көдләчнрин көдлмш әәмшгтәһинь урднь медж. Тенд көдлжәх әмтн баатр-зөрмг гиж эн көвүн келнә. Эн күүкнә келсәр, түүмр шатсн тускар худл зәнг зәнглх керг угаһинь сәәнәр медж авв. Энүнәс көлтә эднә көдлмшт боомтг учрна. Эн кемд түүмр унтралһна церглтин көдләчнр кесг улс харсж авх бәәсмн.
Иим харһлт МЧС-т дару-дарунь болна. Әрәсән түүмр харлһна һурвн зун жирн тавдгч жилин өөнин байрин программар түүмр унтралһна церглт нег сара керг-үүлдврмүд давулжана. Энүнә йовудт бичкдүдиг әәмшгтә болн күнд көдлмшлә өөрхн таньлдулна, марһас болна.
МЧС-ин федеральн противопожарн церглтин негдгч отрядын әнгин инспектор Ирина Обушиеван келсәр, иим керг-үүлдврмүд энд оньдин бүрдәгднә. Олн-зүсн марһас, бичкдүдин зургдудын дөрлдән болна.
Түүмр унтрадг улсла харһад күүндх, эднә көдлмшлә өөрхн таньлдх арһ учрв. Түүмр унтралһна церглтин эрдмлә өөрхн таньлдх арһ бичкдүдт учрна. Һалла саг бәәхин утскар эдн медж авна.
Элст балһсна арвн хойрдгч школын орс келнә болн литературин багш Альбина Чумданован келсәр, МЧС иим харһлт кеснь — бичкдүдт олз-туста болна. Эдн көдләчнриг ик оньган өгч сонсна. Эннь сурһмжин сән үүлдвр болжана. Түүмр шатхал яһж бийән бәрхин тускра көвүд-күүкд медж авна.
Нег сара керг-үүлдврин ашиг апрелин һучнд диглх. Эн өдр Әрәсән түүмрәс харлһна церглтин өөнин байрин хург болх.
Елена Алексенко, Котина Валерий
