Күүкд улсин байрт белдвр кегджәнә

ООН-на шиидврәр, мартын нәәмнд жил болһн күүкд улсин зөвин төлә ноолдлһна нарта-делкән өдр темдглгднә. Әрәсәд эн сән өдриг дигтә зун жил хооран түрүн болж темдглв. Тер цагас авн мана орн-нутгт эн өдр байрин өдрт хүврв, талдан орн-нутгудт эн байриг темдглхш. Әрәсәд болхла эн байриг жил болһн темдглдг авьяс бәәнә.

Иим дала цецгүд жилд зуг цөн өдр үзж болх. Ода бамб цецг, лилий болн мимоза цецгүд олар хулдгджана. Эдн олн-зүсн өнгтә, олн-зүсн зүстә. Урдк кевәр цецгүдин багла хамгин дурта болн сән зангшалд тохсрн белг болж үлджәнә. Келхд, байрин өмн өргнд цецгүд кесг холванд үнтә. Цецгүд хулджах күүнә келсәр, иим бамб цецгүд нүтә биш. Нег цецг тәвн арслнг күрнә.

Олна тоолвр шинжлһнә цугәрәсән цутхлнгин то-дигәр, Мартын нәәмнд залу улс белглдг белг дунд түрүн орм цецгүд эзлжәнә. Хойрдгч ормд үнртә усн, парфюмерн кегдл, һурвдгч ормд үнтә кеерүл һарв. Энүнә хөөн залу улс күүкд улсиг ресторанд тоодг авьяс бәәнә. Тавдчг ормд залу улс күүкд улсин байрт электробәәцин прибормуд белглдг зангшал үлдв. Цецгүд эс гиж кеерүл белгхдән дурта. Цецгүдин багла эс гиж сюрприз белджәнә. Цецгүд белгхлә сән болна, тер тоод герин цецгүд сән. Манахс цецгүдт дурта. Хамгин түрүн күүкд улст цаһан седкл тусхах кергтә, хөөннь цецгүд өгхлә сән болна.

Күүкд улс ямаран белг авхдан дурта? Белг белглсн болн белг авлһна санан харһну аль угай? Олна тоолвр шинжлдг цутхлнгин то-дигәр эн өдр күүкд улсин ик зунь цецгүд белглхиг күләнә. Хойрдгч ормд килмж болн оньг тусхаснь сән болна. Ювелирн кеерүл һурвдгч ормд һарв. Эн байрин өдр романтическ зуульчлһ кех улс бас бәәнә. Сүл орм парфюмер эзлжәнә. Эн өдр зуг цецгүд керг уга. Өвәрц болн соньн белг күләжәнә. Сиик эс гиж үнтә чолуна кеерүл сән болх. Бүлән үгмүд сонсхд тааста болна. Банкин кредитын процентнь баһ болх зөвтә. Күүкд улсиг иим ик өрнд унһахмн биш.

Манһдур темдглх күүкд улсин нарта-делкән байрин өдр Әрәсән әмтн һурвн өдр мартын нәәмнд, йисн болн арвнд амрх. Тегәд дурта күүкд улсиг йөрәхд цаг дала болх.

Дмитрий Ивахненко, Хулхачин Николай