Краснодарск крайд аюлд харһсн улст Хальмг танһч дөн күргх
Хальмг танһч Краснодарск крайд аюлд харһсн улст гуманитарн дөн күргх. Эндр Хальмг танһчин толюач Алексей Орлов эн төрәр бачм чинртә селвлцә кев. Хальмг танһчар Әрәсән МЧС-ин заллтин һардачин дарук, хальмгин МЧС-ин ахлач Александр Кошель эн төрәр зәнглһкев. Геленджик балһснд амрчасн Хальмг танһчин көвүд-күүкд Геленджик балһснд бәәж. Ода зун арвн тавн бичкдүд гнерүрнь йовулгджана. Танһчин һардачнр гуманитарн дөн күрх саната. Энүнә төлә Алексей Орловин закврар, региональный штаб бүрдәгдв. Энүнә пунктмуд танһчин цуг райодт бәәнә. Буйнч седклин дөн күргх седклитә улс дулан хувц, талдан чигн тоот авч ирж чадх. Нег үлү, танһчин әмтн нег өдрә жалван йовулхмн. Иим дөн күргх седлклтә улс Минздравд болн Минстройд одх зөвтә. Ода тенд һурвн минһн күн зөөрән геев. Хойр зун тәвн дөрвн гер хольврв. Ода тенд көдлмшин баг көдлжәнә. Мөнгнә тәвц орулх седклтә улс иим расчетн тойгар тәвцән орулж чадх.
