Китд орн-нутгин Синьцзянь Уйгурск автономн района Байн hолын делегац гиичлжәнә
Эн өдрмүдт мана Танһчд Китд орн-нутгин Синьцзянь Уйгурск автономн района Байн hолас ирсн делегац гиичлжәнә. Ирлһндән күндтә гиичнр хальмгин правительственн ахлчнрла харһж күүндәд кесг бооца батлсн билә. Ирсн гиичнр Үстин болн Яшкульск районд одхар зуралгджана, дәкәд Элст балһсна кеермж һәәхәр седжәнә.
Элстин аэропортд күндтә гиичнриг олн улс тосв. Хальмг Танһчас Китд орн нутгт күрх хаалһ йир ут. Ирсн гиичнрин санан, ухан толлвр медхд күнд болсн уга, хоорндан эдн хальмг келәр күүндв. Эн делегацин ханьд орсн Байн hолын олн әмтнә хуралын хургин ахлач күндтә бора Хальмг Танһчур кесг дәкч ирсн билә.
Эн ирллһндән күндтә гиичнр хальмгин номтнрла харһж кесг бооца батлх зуралгджана. Сити чесс болсн харһлтд күндтә гиичнр үнтә белгүд белглсн билә.
Ирсн гиичнр хальмгин толһач Алексей Орловла, болн правительствин ахлач Людмила Ивановла харһв. Хальмгин хуралын ахлач Анатолий Козачко харһж күүндсн саамла ирсн гиичнр хальмгин толһчад ханлтан өргәд, цааранднь чигн бооца батлад үүлдх сана зүүжәнә. Эн өдрмүдт ирсн гиичнр дәкәд Яшкульс болн Устин районд одх зуралгджана.
Азыда Надежда, Котинов Валерий
