КФХ льготн кредит авх

“Терра” нертә крестьянск-фермерск эдл-аху йирн нәәмн сай арслнга льготн кредит авх. Хойр минһн арвн һурвдгч жилд крестьянск-фермерск эдл-аху баһ бизнес болн арһлачнриг дөннлһнә марһа шүүж авла. Иим марһа Әрәсән промышленникүдин болн арһлачнрин ниицән бүрдәж давулв. Ода крестьянск-фермерск эдл-аху мәнгрс, боднцг болн талдан чигн тәрә-темс урһаж авчана. Льготн кредитар авсн мөнгиг Яшкульск района Һашун поселкд темс эд-бод келһнә консервн заводын тосхлтд йовулх зурата. Эндр крестьянск-фермерск эдл-ахуд Хальмг танһчин толһач Алексей Орлов одв. Танһчин ахлач эдл-ахун тәрән һазр болн селәнә эдл-ахун техник хәләв. Иим эдл-аухсин нилчәр мана танһчд темс урһаж болх, малын хот чигн белдж авч болх гиж Орлов темдглв.