Капитальн ясвр Элстин лицейд кегдв

Тадн танһчин зәнг шуд эфирт хәләжәнәт. , арцан цаарандан өгчәнәвидн. Ода талдан төрмүдин тускар. Сурһулин шин жилин өмн хотл балһсна школмудт капитальн ясвр кегдв. Көвүд-күүкд амрад, цогц-махмудан батрулжасн цагт лтин администрац эрдм-сурһулин заведеньсиг шин жилд белдв. Капитальн ясвр Элстин лицейд кегдв. Энүнә тускар мана сюжетд келгджәнә.

Элстин лицей урднь бәәсн һурвдгч школын герт бәәршлжәнә. Энүг жирн негдгч жилд эдлврт орулсн бәәж. Һол корпусас нань масетрскойин гер болн спортын зал бәәнә. Директор Татьяна Питкееван келсәр, эн жил ясвр кехин төлә муниципальн бюджетас өрәл сай арлснг йилһж өггдв. Эн мөнгәр герин ора сольгдв, канализац шинрүлгдв, шин сингализац углж тәвв. Тер мет электрокүчнә оборудовань сольв, герин һазадк шинрүлж ширдв.

Элстин лицейин директор Татьяна Питкееван келсәр, сурһулин шин жилиг байртаһар тосжнавидн. Сурһуль дасхд цуг таал бәәнә. Шишлнг комиссь школын гер шин жилд белн гиж темдглв. Сурһулин шин жилд лицей сәәнәр белдв гиж эдн онц темдглж.

Келхд, давсн жилд лицейин герт капитальн ясвр кегдсн билә. Тиигхд Әрәсән Президентин сангас Элстин лицейд арвн хойр сай арслнг йилһж өггдв. Эн мөнгәр сурһулин герин корпус бүколдән шинрүлж ясгдв. Иим ясвр энд эдвлрт орулснас авн кегдәд уга бәәж.

Директор Татьяна Питкееван келсәр, лицейин гер хуучн болад, ясвр кех кергтә бәәсмн. Элстин лицей мана танһчд хамгин нүүрлгч эрдм-сурһулин заведень. Тегәд багшнр болн сурһульчнр эднә гериг ясхин күләжәлә.

Хальмг келнә кабинетд пол деер шин линолеум делгв, эрсинь цаһалж ширдв. Спортивн залд болхла бийән уһадг кабинмуд шинрүлж. Хуучн төмр турван ормд пластикин турва тәвв.

Директорин дарук Роза Манцаеван келсәр, ус халулдг оборудовань углж тәвж. Ода сурһульчнр бийән уһаж чадх. Халун усн бәәнә.

Удл уга тлицейд сурһульчнр ирж сурх. Энд дәкәнс шуугата болх. Көвүд-күүкдин төлә сурһулин цуг таал бүрдәгдв. Тегәд бичкдүд сурһулян сәәнәр сурх зөвтә.