Иргч жилд электрокүчнә тарифмуд зуг зурһан процентд өсх, газ болхла арвн тавн процентд үнтәрх
Иргч жилд электрокүчнә тарифмуд зуг зурһан процентд өсх, газ болхла арвн тавн процентд үнтәрх. Энүнә тускар эндр танһчин правительсвтин сүл сүүрт тодрхаһар келгдв. Тарифмудын төрәр үүлджәх региональн церглтин һардач Эрдни Бадмаевин келсәр.иргч жилд июль сард цуг тарифмуд дегд икәр сольгдшго. Эднә үн зуг июлин нег шинәс авн өсх. Эн жилин электрокүчнә, газин, болн дула олзлсна тарифмуд болхла, зуг рыночн талла ирлцүлж тогтагдсмн. Келхд, ода хальмг танһчд Өмн үзгин федеральн округд хамгин бичкн тариф үүлджәнә. Правительствин сүүрин йовудт эрдм-сурһулин халх шинрүлһнә төрәр күүндвр болв. Эн жил федеральн бюджетас эн төрт далн хойр сай арслн йилһж өггдв. Эрдм-сурһулин, сойлын болн номин министрин дарук Раиса Дякиеван келсәр, эн мөнгн күүц олзлгдв. Эндр өдрт багшнрин жалв һучн зурһан процентд өсв, ода эн дундлад арвн һурвн минһн арслн тогтажана.
