«Инновационная Калмыкия» форум көдлмшән давулгджана

Хальмг Ик сурһульд «Инновационная Калмыкия» нерәдлһтә форум көдлмшән цааранднь давулгджана. Эн форум өдгә цагин информационн инфрастуктурин болн политикин иргчин зуран тускар специалистнр, багшнр, оютнр орлцад селвцв.

Әәрхн балһснас ирсн номтнр “Мания в воздухе” нерәдлһтә кегдлән олн улст үзүлжәнә. Эн кегдлиг эдн хагсу урас кесн билә. Эн кегдл үүдәсн номтрин келсәр эн кегдл олзлсн күн болһн аһарт олн зүсн зургуд зурж чаджана дәкәд бичсн үзгүд умч чаджана. Эн күүнә кесләр эн кегдл олг услст соньн болх. Өдгә цагин сурһульчнрт болн талдан улст тусан күргх.

Эн һәәхүлд ирсн улст мана хальмгин номтнр намрин кемлә яһж хар буудя тәрх кергтә проектан үзүлв. Кесн шинжлтәс эдн шүүрн болн жөөлн буудяс талдан буудян “Кермен”, “Булгун”, “Яшкулянка” нертә зерг һарһж авв.

Хамльмг ик сурһулин шинжлһнә институтын номт Мерген Боктаевин келсән һарһсн буудән зерг хальмг танһчин хагсу теегт дарунь урһх.

Эн керг үүлдврт тавн зун номтнр талдан регионмудас ирж эврәннь көдлмшән үзүлв. һурвн әнгд хувалцад эдн эврәннь проектмудан харсч чадв. Әрәсән университетмудын номтнр багшнр дорас өсч йовх баһчудт мастер класс үзүлв. Эн керг үүлдврт баһ наста номтнрин көдлмшиг хәләхәр хальмг танһчтин толһач бас орлцв. Алексей Орлов «Формирование и развитие инновационного пространства Юга России» нерәдллһтә керг үүлдврт орлцад эврә ухан тоолврарн бас хувалцв.

Хальмгин Толһач Алексей Орловин келсәр эндр өдр баһ наста баһчудт дөн нөкдән күргхлә цааранднь эдн олн хальмг танһчин делгрллтд эврә тәвцән орулх.

«Инновационная Калмыкия» нерәдлһтә форумд хальмг университет талдан регионмүдын университетсла кесг бооца батлсн билә.

Санкун Кермен, Ирчин Алексей