Ик Царнг селәнд зунын плошадк тосхгдв

Октябрьск района цутхлнг Ик Царнг селәнд зунын шин плошадк тосхгдв. Энүг селәнә тал дунд бәрв. Ода намрин кем эклсн бийнь, шин сооружень эн жил бас кергтә болх гиж селәнә бәәрн улс тоолжана. Ода шин плошадкт олн-зүсн концертмуд болна, үүдәгч коллективмуд белдвр кеж чадх.

Шин плошадкт у-сарул сцен, ке-сәәхн зургуд болн эвтә суудл бәәнә. Ик Царнг селәнд шин зунын плошадк тосхгдв. Энүнд ода концертмуд болна, селәнә үүдәгч коллективмуд белвр кеж чадх. Тер тоод “Мини байр” нертә ансамбль дарани концертд белдврән кежәнә.

“Мини байр” нертә ансамблин һардач Жирһл Номинхановин келсәр, хальмгин хазгудын би биилнәвидн. Чичрдг, ишкмдг, хальмг улсин цуг би биилнә. Дәкәд болхла орс би “Волжская кадриль” бас биилхдән дурта. Корей келн-улсин, еврей улсин би бәәнә. Ода терск хазгудын лезгин би дасжана.

Селәнә үүдәгч коолективиг Хальмг танһчин ачта артистнр Жирһл болн Флора Номинхановихн һарджана. Урднь билгтә артистнр Бамб цецг нертә государственн ансамблин ханьд орж көдлж йовла.

“Мини байр” ансамблин һардач Жирһл Номинхановин келсәр, эн коллективд бүкл жирһлән өгв. Би гисн мана жирһл болжана.

Ода селәнә коллективд һучн күн орлцжана. Эннь һурвдгч классас авн арвн негдгч класст сурчах көвүд-күүкд. Эдн дурта эрдмәрн сул цагтан ирж дамшлтан өөдлүлнә. Һаза серүн намр болсн бйинь эдн нааран ирәд хальмг улсин би дасжана.

Эн күүкнә келсәр, энтн хальмг улсин би. Тегәд седклән өгч биилнә. Чичрдг би альмг улсин хамгин дурта би болжана. Энүг биилхд йир таасгдна гиж эн күүкн келв. Эн күүкнә келсәр, мана коллектви ни-негн. Оньдин хамдан бәәнә. Талдан школд сурсн бийнь, оньдин хамдан цуглрна. Эн көвүнә келсәр, ансамбльд дамшлтта багш көдлжәнә. Ик Царнг селәнд ирсн дару үүдәгч баг тогтав. Ода ансамбляс дөрвн үйнр һарв. Эдн цугтан хальмг би сәәнәр биилнә.

Шин зунын плошадкт района үүдәгч коллективмуд дару-дарунь концерт үзүлж чадх, тер мет иргч концертд сән тохнята белдвр кеж чаджана.

Елена Алексенко, Хавтхна Анатолий